Թուրքիայի իշխանությունները վերահսկում են Աֆրինի դեպքերի մասին լրատվությունը

Տարածաշրջան11:28, 24 Հունվար 2018

Թուրքիայի իշխանությունները վերահսկում են Աֆրինի դեպքերի մասին լրատվությունը

Թուրքիայի Ազգային հետախուզական ծառայությունը (MIT) կառավարությանը առընթեր մամուլի և տեղեկատվության վարչության (BYEGM) հետ միասին սահմանամերձ Քիլիս և Հաթայ նահանգներում հատուկ կենտրոններ են ստեղծել:

Դրանց միջոցով թուրքական լրատվամիջոցներին տեղեկություն է տրամադրում սիրիական Աֆրինում տեղի ունեցող ռազմական գործողությունների միասին:

Այդ մասին հայտնում է քրդական «ANF» լրատվական գործակալության թուրքական ծառայությունը: Աշխատանքների մեջ ներգրավված են Թուրքիայի զինված ուժերի ներկայացուցիչները:

Կենտրոնների ստեղծման վերաբերյալ հայտարարությունում ասվել է, որ դրանց ստեղծումը նպատակ ունի «հեշտացնել» տեղական և միջազգային լրատվամիջոցների գործը:

«ANF»-ի տեղեկություններով՝ այդ կենտրոնները հսկողության տակ են պահում տեղական և միջազգային ԶԼՄ-ների լրատվամիջոցներին, որոնք լուսանկարներ և տեղեկատվություն են հրապարակում թուրք-սիրիական սահմանից:

Լուսանկարները հայտնվում են թերթերում միայն այդ կենտրոնների համաձայնությամբ և անհրաժեշտ ստուգումը անցնելուց հետո:

Մի շարք լրատվամիջոցների ներկայացուցիչներին ռազմաճակատի որոշ կետերում արգելվում է տեսանյութ նկարահանել: Թույլատրվում է միայն լուսանկարներ անել:

Հետաքրքրական է, որ այն անձինք ովքեր իրականացնում են ստուգումները, իրավունք չունեն մուտք գործել իրաքյան Քուրդիստան:

Աղբյուրը պնդում է, որ նախքան Աֆրինում Թուրքիայի կողմից ռազմական գործողություն սկսվելը, վարչապետ Բինալի Յըլդըրըմը հանդիպում է ունեցել տեղի լրատվամիջոցների հետ և վերջիններիս որոշակի հրահանգներ տվել, թե ինչպես պետք է ներկայացվեն իրադարձությունները թուրք-սիրիական սահմանից:

Աղբյուր` Ermenihaber.am

Այս ենթաբաժնի վերջին նորությունները

15:09, 01 հուլ

Թուրքիայում 5 օրում բռնկվել է 342 անտառային հրդեհ

Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։