Թուրքիայում ծրագրվում է մարտական վիճակի բերել Սիրիայի հետ սահմանի ՀՕՊ համակարգերը

Տարածաշրջան08:08, 18 Հունվար 2018

Թուրքիայում ծրագրվում է մարտական վիճակի բերել Սիրիայի հետ սահմանի ՀՕՊ համակարգերը

Սիրիայի քրդական ուժերի վերահսկության Աֆրին շրջանից եկող սպառնալիքի պատճառով Թուրքիայի Ադանա քաղաքի «Ինջիրլիք» ռազմաբազայի «Patriot» տեսակի ՀՕՊ համակարգերը ծրագրվում է մարտական վիճակի բերել: Վերջիններս պատկանում են ՆԱՏՕ-ին:

Ինչպես հաղորոդում է թուրքական «Haberler» լրատվամիջոցը, նշյալ ՀՕՊ համակարգերը, որոնք տեղակայված են Սիրիայի հետ սահմանին, նախատեսված են չեզոքացնել հնարավոր սպառնալիքները Սիրիայից:

Թուրքական աղբյուրը հիշեցնում է, որ նախկինում ԱՄՆ-ն և Գերմանիան նույն «Patriot» տեսակի ՀՕՊ համակարգերից տեղակայել էին Թուրքիայի Գազիանթեփ և Քահրանմարաշ նահանգներում: Սակայն դրանց ժամկետը լրանալուն պես, այդ ՀՕՊ համակարգերը դուրս բերվեցին Թուրքիայից:

Միջանկյալ նշենք, որ ՆԱՏՕ և Թուրքիայի միջև գոյություն ունի պայմանագիր, ըստ որի՝ ՆԱՏՕ-ն պարտավոր է Թուրքիային պաշտպանել արտաքին վտանգներից:

Հիշեցնենք, որ Ինջիրլիք ռազմաբազան բացվել է 1955թթ: Այն օգտագործվում է Թուրքիայի, ԱՄՆ-ի և ՆԱՏՕ-ի ուժերի կողմից: Ռազմաբզայի շինարարական աշխատանքները սկսելու որոշումը կայացվել էր 1943թ., սակայն աշխատանքները սկսվեցին միայն Երկրորդ Համաշխարհային պատերազմի ավարտից հետո:

Աղբյուր` Ermenihaber.am

Այս ենթաբաժնի վերջին նորությունները

15:09, 01 հուլ

Թուրքիայում 5 օրում բռնկվել է 342 անտառային հրդեհ

Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։