Թուրքիայի ԱԳՆ-ը դատապարտել է ԱՄՆ-ի ու Սիրիայի քրդերի համագործակցությունը

Քաղաքական07:39, 15 Հունվար 2018

Թուրքիայի ԱԳՆ-ը դատապարտել է ԱՄՆ-ի ու Սիրիայի քրդերի համագործակցությունը

Թուրքիայի արտգործնախարարությունը դատապարտել է Սիրիայի քրդերի կողմից «Հյուսիսային բանակ» անվանումով զորախմբի ստեղծմանը միջազգային կոալիցիայի, հատկապես՝ ԱՄՆ-ի կողմից ցուցաբերվող աջակցությունը:

Ըստ թուրքական «Haberler.com» լրատվական կայքի՝ այդ երկրի արտաքին գերատեսչության կողմից տարածված գրավոր հայտարարության մեջ ասվում է. «ԱՄՆ-ի աջակցությամբ քրդական նոր զորախմբի, այսպես կոչված «Հյուսիսային բանակի» ստեղծման մասին միջազգային մամուլում հայտնված տեղեկությունների առթիվ հունվարի 10-ին Թուրքիայում ԱՄՆ-ի դեսպանատան գործերի հավատարմատարը կանչվել է երկրի ԱԳՆ-ը, որտեղ նրանից թեմայի վերաբերյալ բացատրություն է պահանջվել:

Այս անգամ էլ ԻՊ-ի («Իսլամական պետություն» ահաբեկչական կազմակերպություն) դեմ պայքարի միջազգային կոալիցիայի խոսնակի հայտարարությանը հղում անող լուրեր են տարածվել, որտեղ նշումէ, որ կոալիցիան (քրդական ուժերից կազմված-EH) «Սիրիայի դեմոկրատական ուժերի» հետ աշխատում է մոտ 30 հազարանոց «Սիրիայի սահմանային անվտանգության ուժեր» կոչվող զորաջոկատի ստեղծման ուղղությամբ:

Թուրքիան տարբեր հարթակներից բազմիցս հայտարարել է, որ «Ժողովրդի պաշտպանության ուժերի»-ի հետ (Սիրիայի քրդական «Ժողովրդավարական միություն կուսակցության» զինված ուժեր-YPG) հետ համագործակցությունը սխալ դատապարտելի»:

Թուրքիան նաև մեղադրել է կոալիցիային նման որոշումկայացնելուց առաջ Անկարայի հետ չխորհրդակցելու համար, քանի որ Թուրքիան նույնպես հանդիսանում է այդ կոալիցիայի անդամ:

«Մեզ համար անընդունելի է Սիրիայի տարածքային ամբողջականությանը և մեր ազգային անվտանգությանը սպառնացող ԺՄԿ/ԺՊՈՒ-ԱՄՆ համագործակցությունը, որն ԱՄՆ-ը շարունակում է՝ հակառակ իր վրա վերցրած պարտավորություններին: Մեկ անգամ ևս հիշեցնում ենք, որ Թուրքիան դատապարտում է այս սխալ մոտեցումը և պատրաստ է չեզոքացնել իր անվտանգությանն ուղղված ցանկացած սպառնալիք»,- ասված է հայտարարության մեջ:

Հիշեցնենք, որ Թուրքիան Սիրիայի քրդական ուժերին դիտարկում է որպես ահաբեկչական կազմակերպություններ: Թուրք պաշտոնյաները բազմիցս հայտնել են, որ երբեք թույլ չեն տա, որ Սիրիայի հյուսիսում քրդերը պետություն ստեղծեն:

Աղբյուր` Ermenihaber.am

Այս ենթաբաժնի վերջին նորությունները

11:53, 29 օգոս

Թուրքիայի խորհրդարանը Գազայի հարցով արտակարգ նիստ կգումարի

Նիստում ելույթ կունենա Թուրքիայի արտգործնախարար Հաքան Ֆիդանը, ով կներկայացնի կառավարության դիրքորոշումը Գազայի վերաբերյալ։

10:49, 29 օգոս

Թուրքիայի արտգործնախարարն անդարդարձել է հայ-ադրբեջանական խաղաղության գործընթացին

Ֆիդան. «Ձեռք բերված մի շարք պայմանավորվածությունների շնորհիվ տարածաշրջանային խաղաղության առումով շատ լավ պատկեր է ձևավորվել»:

09:44, 29 օգոս

Թուրքիայի արտգործնախարարը հեռախոսազրույց է ունեցել ամերիկացի գործընկերոջ հետ

Մարկո Ռուբիոյի հետ զրույցում Ֆիդանը նշել է, որ Թուրքիան պատրաստ է ռուս-ուկրաինական բանակցային գործընթացում անել այն, ինչն իր պատասխանատվության շրջանակներում է: