Հասարակական08:58, 12 Հոկտեմբեր 2017
Շիրինօղլու. «Պետությունը Բեքչյանին չի ճանաչում որպես Պոլսի հայոց պատրիարքի տեղապահ»
Թուրքիայի իշխանությունները Գարեգին արքեպիսկոպոս Բեքչյանին չեն ճանաչում որպես Պոլսի հայոց պատրիարքի տեղապահ: Նման պնդում է արել Պոլսի հայկական Սուրբ Փրկիչ հիվանդանոցի հիմնադրամի նախագահ Պետրոս Շիրինօղլուն: Նա նշել է, որ այդ մասին հայտնել է տեղապահին՝ նշելով, որ պետության այդպիսի վերաբերմունքի պատճառը Բեքչյանի՝ 2016 թվականին գերմանական թերթերից մեկին տված հարցազրույցն է:
«Ակօս» շաբաթաթերթի տեղեկացմամբ՝ Շիրինօղլուն նաև ներկայացրել է պատրիարքական ընտրական գործընթացին վերաբերյալ պետության դիրքորոշումը: Շիրինօղլուն նշել է, որ իրեն իշխանությունները հետևյալ ուղերձն են փոխանցել. «Ստամբուլում 2 եպիսկոպոս ունեք՝ Աթեշյանը և Մաշալյանը: Մեկը թող տեղապահ լինի, մյուսը հոգևոր խորհրդի ատենապետ դառնա, թող դիմեն, 6 ամսվա ընթացքում ընտրությունը կանենք, գործը կավարտենք»:
Շիրինօղլուի խոսքերով՝ թեմայի շուրջ խոսել է նաև Ստամբուլի նահանգապետ Վասիփ Շահինի հետ, որը նույնպես հայտնել, թե Բեքչյանին տեղապահ չեն ճանաչում:
Այնուհետև Շիրինօղլուն ընդգծել է, թե Բեքչյանին ինքն է բերել Ստամբուլ, նրան Աթաթուրքի անվան օդանավակայանում դիմավորել է հասարակ ուղևորների համար փակ տարածքում, ինչի համար հատուկ թույլտվություն է անհրաժեշտ: Դիմավորումից մեկ օր հետո իրեն զանգել են և ասել, որ իրավունք չուներ օդանավակայանի հատուկ տարածքում դիմավորել մի մարդու, որը ծանր խոսքեր է ասել Թուրքիայի և Աթաթուրքի հասցեին:
Շիրինօղլուի հայտարարություններին անդրադարձել է Պոլսի Հայոց պատրիարքության տեղապահ Գարեգին Բեքչյանը: Նա նշել է, որ Շիրինօղլուի կողմից պետության անունից հնչեցված հայտարարությունները պատրիարքարանը պաշտոնապես չի ստացել:
«Պետական որևէ հաստատությունից ես այդպիսի բովանդակությամբ պաշտոնական փաստաթուղթ չեմ ստացել: Եթե պետությունն այդպիսի պահանջներ ունի, ապա դրանք ուղղակիորեն մեզ կարող են ուղարկել: Մենք մեր ներքին կանոնադրությամբ ենք առաջ շարժվել և որևէ սխալ թույլ չենք տվել»:
Այս ենթաբաժնի վերջին նորությունները
«Yöneylem» սոցիալ-հասարակական հետազոտական կենտրոնն ապրիլի 26-ից 29-ն ընտրողների շրջանում հարցում է անցկացրել Թուրքիայի կառավարման գործընթացի վերաբերյալ:
Ըստ ԹԱՄԺ նախագահի՝ մեզ պետք է նոր համակարգ աշխարհի քաղաքական համակարգի և տնտեսական համակարգի համար, մեզ պետք են նաև նոր ինստիտուտներ և նոր մոտեցումներ միգրացիայի հարցում։
«Metropoll Araştırma» կենտրոնը ուսումնասիրել է, թե Թուրքիայում 2023-ի մայիսին անցկացված համապետական ընտրությունների մասնակիցները 2024-ի ՏԻՄ ընտրություններում ում են ձայն տվել:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Հատկանշական է, որ աշխարհահռչակ պոլսահայ լուսանկարիչ-լրագրողի արխիվներից Գումգափուի հետ կապված նկարներն առաջին անգամ են հանվում ցուցադրության:
Նախքան Հայոց ցեղասպանությունն Օսմանյան կայսրությունում ապրում էր ավելի քան 2 մլն հայ:
Նշվում է, որ Թուրքիայի կողմից ահաբեկչական կազմակերպություն համարվող «Քուրդիստանի բանվորական կուսակցության (PKK) դեմ ամռանը գործողություն սկսելուց առաջ սահմանին կտեղակայվեն S-400-ները։
Թուրքական մեդիայում տարածվող լուրերի համաձայն՝ իշխող ուժի և ազգայնականների առաջնորդների միջև տարաձայնություն կա։
Քուվեյթի քաղաքացիներն 1-ին տեղն են զբաղեցնում Թուրքիայում ամենաշատ անշարժ գույք գնող օտարերկրացիների շարքում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |