Տարածաշրջան10:23, 03 Հոկտեմբեր 2017
Դեռ բանը բանից անցած չէ. Չավուշօղլուն Քուրդիստանի հանրաքվեի մասին
Թուրքիայի արտգործնախարար Մևլութ Չավուշօղլուն, անդրադառնալով իրաքյան Քուրդիստանի տարածաշրջանում անցկացված անկախության հանրաքվեին, ասել է, որ դեռ ամեն ինչ կորած չէ և Բարզանիի իշխանությունը հորդորել քայլ անել»:
Թուրքական «Anadolu» պետական լրատվական գործակալությանը տված հարցազրույցում Չավուշօղլուն ևս մեկ անգամ անօրինական է որակել քրդական տարածաշրջանում անցկացված անկախության հանրաքվեն:
Թուրքիայի արգործնախարարը մասնավորապես ասել է. «Այդ հանրաքվեն, թափանցիկ, ժողովրդավարական հանրաքվե չէ: Միջազգային հանրության կողմից դիտորդական վերահսկողություն նույնպես չի իրականացվել: Այն հակասում է Իրաքի Սահմանադրությանը և հենց այդ պատճառով էլ անօրինական է:
Սակայն դեռ բանը բանից չի անցել: Բարզանիի իշխանությունը կարող է քայլ կատարել: Եթե դադարեցնի այս գործընթացը, այդ ժամանակ Բաղդադի հետ հարաբերությունները կկարգավորի, ինքնաբերաբար կկարգավորի հարաբերությունները նաև մեր և մյուսների հետ»:
Չավուշօղլուն հայտարարել է, որ Հյուսիսային Իրաքի տարածաշրջանային կառավարությունը պետք է իր տարածքում գտնվող սահմանային անցակետերի վերահսկողությունը հանձնի Իրաքի կենտրոնական իշխանություններին:
Թուրքիայի ԱԳՆ-ի ղեկավարը տեղեկացրել է նաև, որ եթե Բարզանիի ռեժիմը «սխալ ճանապարհից հետ չկանգնի», Թուրքիայի կատարելիք քայլերը հիմնված են լինելու Բաղդադից եկող պահանջների վրա և համազոր են լինելու Բաղդադի քայլերին:
Այս ենթաբաժնի վերջին նորությունները
Այցի շրջանակներում կողմերը կքննարկեն ապրանքաշրջանառության ծավալները 5 մլրդ դոլարի հասցնելու հարցը։
Մայիսի 15-ին Ֆաթիհ թաղամասում գտնվող «Եգիպտոսի շուկա»-կոչվող վայրում բռնկված հրդեհը մոտակայքում գտնվող մարդկանց շրջանում խուճապ է առաջացրել:
AFAD-ի հաղորդմամբ՝ ցնցումը գրանցվել է Թուրքիայի արևմտյան հատվածում գտնվող Իզմիր նահանգի Քարաբուրուն շրջանի Էգեյան ծովին հարող տարածքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |