Միջազգային13:24, 06 Սեպտեմբեր 2017
Էրդողանը դժգոհել է Թուրքիայի հանդեպ Եվրոպայի վերաբերմունքից
Թուրքիայի նախագահ Ռեջեփ Թայիփ Էրդողանը ելույթ է ունեցել իշխող «Արդարություն և զարգացում» կուսակցության (ԱԶԿ-AKP) նահանգային ղեկավարների ժողովի ժամանակ:
Թուրքական «Posta.com.tr» լրատվակայքի տեղեկացմամբ՝ Էրդողանն անդրադարձել է Թուրքիայի՝ Եվրամիությանն անդամակցելու հարցում եվրոպական երկրների դիրքորոշումների խնդրին:
«Մենք չենք հրաժարվել եվրաինտեգրման ռազմավարական նպատակից: Բանակցությունների սկզբից մենք մեր բոլոր պարտավորությունները կատարել ենք: Գիշեր-ցերեկ իմ կուսակցությամբ և ինձնով հետաքրքրվող այդ քաղաքական մոտեցումները Եվրոպային ոչ մի օգուտ չեն տա: Այդ մոտեցումը Եվրոպային կբերի այն նույն վիճակին, ինչ 2-րդ աշխարհամարտի նախաշեմին էր: Ինչպիսին որ ֆաշիզմն էր, այնպիսին էլ ձեր արածներն են» , -հայտարարել է Էրդողանը:
Թուրքիայի նախագահը կոչ է արել իր հայրենակիցներին՝ չքվեարկել «Թուրքիայի թշնամիների» օգտին: Նրա խոսքով՝ Եվրամիությունում արդեն կարծիքներ են հնչում, որ Թուրքիա-ԵՄ հարաբերություններում միայն Գերմանիայի ձայնը դեռ որոշիչ չէ:
Էրդողանը տեսակետ է հայտնել նաև, որ Եվրոպայում Թուրքիայի նկատմամբ սկսել են ավելի անհանդուրժող վերաբերվել հատկապես Մերկելի և Սարկոզիի՝ պաշտոնի գալուց հետո:
«Առաջ մեզ գագաթնաժողովների էին հրավիրում, Մերկելի և Սարկոզիի ընտրվելուց հետո ասացին՝ թեկնածուները չեն կարող մասնակցել, միայն ԵՄ անդամ երկրները թող մասնակցեն: Հետո մեզ այլևս չհրավիրեցին գագաթնաժողվներին: Ապա 35-ի հասցրեցին բանակցությունների գլուխների թիվը: Հետո խնդիրներ ստեղծեցին վիզաների ազատականացման հարցում: Բոլորովին առնչություն չունեցող երկրները ներգրավվեցին շենգենյան գոտու մեջ, իսկ մեզ մերժեցին: Բայց այսօր մեզ թիրախ դարձնողների նետերը վաղը հենց իրենց է ուղղվելու»,- եզրափակել է Թուրքիայի նախագահը:
Այս ենթաբաժնի վերջին նորությունները
Թուրքիային «BRICS»-ում տրվել է «գործընկեր երկրի» կարգավիճակ։
Նախօրեին Ֆրանսիայի արտաքին գործերի նախարարությունը հայտարարություն էր արել Թուրքիայում ընթացող դատական պրոցեսների վերաբերյալ։
Թուրքիայի թվային ենթակառուցվածքները կվերաձևավորվեն համաշխարհային մրցակցությանը համապատասխան։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
«Արդյո՞ք վերանայվելու Անիի Մայր տաճարը մզկիթի վերածելու որոշումը՝ հաշվի առնելով կառույցի կրոնական և հատուկ ինքնությունը»։
Թուրքիային «BRICS»-ում տրվել է «գործընկեր երկրի» կարգավիճակ։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |