Եվրոպական քաղաքների ղեկավարներն Իմամօղլուին աջակցելու համար կմեկնեն Ստամբուլ

Քաղաքական10:50, 26 Օգոստոս 2025

Եվրոպական քաղաքների ղեկավարներն Իմամօղլուին աջակցելու համար կմեկնեն Ստամբուլ

«Եվրոպայի քաղաքների միության» (Eurocities) նախագահն ու Եվրախորհրդարանի անդամ Դարիո Նարդելլան հայտարարել են մի քանի եվրոպացի քաղաքապետի հետ միասին հաջորդ շաբաթ Ստամբուլ մեկնելու մտադրության մասին:

Վերջիններս նշել են, որ Ստամբուլ են գնալու Թուրքիայում գլխավոր ընդդիմադիր ուժ համարվող «Ժողովրդահանրապետական» կուսակցության (CHP-ԺՀԿ) անդամ և Ստամբուլի նախկին քաղաքապետ, այժմ կալանվորված Էքրեմ Իմամօղլուին և բանտարկված այլ քաղաքապետերին աջակցելու նպատակով:

«Եվրոպացի քաղաքապետերը հաջորդ շաբաթ կգան Ստամբուլ, ցույց կտան համերաշխություն և կպահանջեն անհիմն կերպով կալանավորվածների ազատ արձակում:

Եվրամիությունը չի կարող աչք փակել այս իրավիճակի վրա: Ժողովրդավարությունն ու մարդու իրավունքները ոտնահարող կառավարությունների հետ ունեցած առևտրային համաձայնագրերը չպետք է իրականացվեն»,- ասվել է համատեղ հայտարարության մեջ:

Հիշեցնենք, որ Իմամօղլուն ձերբակալվել էր ընթացիկ տարվա մարտի 25-ին: Նրա հետ միասն ձերբակալվել էր ևս 16 ԺՀԿ-ական քաղաքապետ:

Աղբյուր` Artigercek.com

Այս ենթաբաժնի վերջին նորությունները

12:30, 26 օգոս

Ըստ իսրայելական մամուլի՝ Էրդողանը ձգտում է վերականգնել թուրքական կայսրությունը

Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։

10:50, 26 օգոս

Եվրոպական քաղաքների ղեկավարներն Իմամօղլուին աջակցելու համար կմեկնեն Ստամբուլ

Eurocities միության ղեկավար. «Եվրոպացի քաղաքապետերը հաջորդ շաբաթ կգան Ստամբուլ, ցույց կտան համերաշխություն և կպահանջեն անհիմն կերպով կալանավորվածների ազատ արձակում»:

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: