Ցեղասպանություն09:52, 31 Հունվար 2017
Չավուշօղլուն Արգենտինայում անդրադարձել է Հայոց ցեղասպանության հարցին
Թուրքիայի արտաքին գործերի նախարար Մևլութ Չավուշօղլուն Հարավային Ամերիկա կատարած աշխատանքային այցի շրջանակներում այցելել է Արգենտինա:
Ըստ թուրքական «Ahaber» լրատվական կայքի՝ Չավուշօղլուն հանդիպում է ունեցել Արգենտինայի արտաքին գործերի նախարար Սուսանա Մալյորրայի հետ: Հանդիպման ընթացքում քննարկվել են երկկողմ հարաբերություններին՝ այդ թվում էներգետիկ և առևտրատնտեսական որոտներին վերաբերող մի շարք կարևոր հարցեր:
Թուրքական մամուլին ներկայացնելով իր այցի մանրամասները՝ Չավուշօղլուն հայտնել է, որ արգենտինացի իր գործընկերոջ հետ զրույցում անդրադարձ է եղել նաև Հայոց ցեղասպանության հարցին.
«Տարիներ շարունակ մեր հարաբերությունների վրա ազդող հայկական հարցի վերաբերյալ էլ մտքեր փոխանակեցինք: Կարևորում ենք այս հարցում Արգենտինայի կառավարության, արտաքին գործերի նախարարության և անձամբ նախարարի դիրքորոշումը: Նրանց ասացինք, որ թույլ չենք տա, որ մեր հարաբերությունները գերի դառնան այս հարցին», -ասել է թուրք նախարարը:
Բացի Հայոց ցեղասպանության հարցից, Չավուշօղլուն հանդիպման ընթացքում բարձրացրել է նաև Թուրքիայում ահաբեկչական համարվող գյուլենական համայնքի դեմ համատեղ պայքարի հարցը:
Այցի ընթացքում Թուրքիայի և Արգենտինայի միջև ստորագրվել է «Մաքսային հարցերում համագործակցության և փոխադարձ օգնության» պայմանագիր: Բացի այդ ստորագրվել են մի շարք այլ փաստաթղթեր, որոնք նպատակ ունեն խորացնել թուրք-արգենտինական հարաբերությունները:
Հիշեցնենք, որ ավելի վաղ Արգենտինայի հայ համայնքի կառույցները հայտարարություն էին տարածել` որտեղ դեմ էին արտահայտվել Հարավային Ամերիկա և մասնավորապես Արգենտինա Թուրքիայի Չավուշօղլուի կատարելիք այցին: Հայտարարության մեջ մասնավորապես շեշտվում էր, որ Չավուշօղլուն մարդկության դեմ հանցագործություններ իրականացրած պետության ներկայացուցիչ է:
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դավիդի փոդքաստում պատասխանելով այն հարցին, թե ինչու ոչ մի վարչապետ չի ճանաչել ցեղասպանությունը, նա պատասխանել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |