Ցեղասպանություն08:09, 26 Դեկտեմբեր 2016
Դիարբեքիրի կինոփառատոնում Հայոց ցեղասպանությանն անդրադարձող ֆիլմեր են ցուցադրվել
Թուրքիայի, Հյուսիսային Կիպրոսի և Իտալիայի մի շարք քաղաքներում անցկացվող «Ամեդի կինոփառատոնի» (Ամեդ՝ պատմ. Տիգրանակերտ, Դիարբեքիր-խմբ.) շրջանակներում նաև հայկական թեմայով ֆիլմեր են ցուցադրվել: Թուրքական «Evrensel.net» լրատվակայքի տեղեկացմամբ՝ այդ ֆիլմերի շարքում տեղ է գտել ռեժիսոր Այշե Փոլաթի հեղինակած վավերագրական ֆիլմը, որը նկարահանվել է Վանում:
«Քրդերի, թուրքերի և հայերի մշակութային խորհրդանիշը հանդիսացող կատուներով հայտնի Վանը, որն այսօր քրդական նահանգ է, մինչև 1915թ., այսինքն՝ տեղահանությունից ու կոտորածներից առաջ, հայերի պատմական հայրենիքն էր: Իսկ այսօր այստեղ մնացել են միայն կիսավեր եկեղեցիներ և շատ փոքրաթիվ հայ վանեցիներ, որոնց մեծ մասը նույնիսկ խուսափում է խոստովանել իր հայ լինելը: «Օտարները» ֆիլմի թեման հայերի ողբերգության վերաբերյալ բանավոր կերպով միմյանց փոխանցվող պատմություններն են: Ֆիլմը տանում է պատմական ողբերգության հետքերով և ցույց տալիս, որ անցյալը երբեք չի մահանում»,- գրում է աղբյուրը:
Իսկ ռեժիսոր Էքրեմ Հայդոյի «Cennetim» («Իմ դրախտը») ֆիլմը նկարահանվել է Արևմտյան Քրդստանիում (Ռոժավա) և Հայաստանում: Ֆիլմը պատմում Ռոժավայի Սերեքանիյե (Ռաս-Էլ-Այն) քաղաքի բազմազգ բնակչության և հայ երիտասարդ Արայի մասին: Ֆիլմում շոշափվող գլխավոր թեման ընկերությունը, հայրենիքի որոնումներն ու ազգամիջյան հակամարտություններն են:
Մանկության տարիներին Արան նույն դասարանում սովորել է քուրդ, արաբ, չեչեն և եզդի տղաների հետ: Մեծանալուց հետո նրանցից ամեն մեկը մի ճանապարհով է գնացել ու հաճախ մանկության ընկերները հայտնվել են հակադիր ճամբարներում, դարձել թշնամիներ: Ազգամիջյան բախումների պատճառով Արան հարկադրված է գաղթել Սերեքանիյեից, ճիշտ այնպես, ինչպես իր պապն է 100 տարի առաջ ստիպված եղել գաղթել Դիարբեքիրի Ֆարքին (Սիլվան) ավանից և ապաստանել Սերեքանիյեում:
Այս ենթաբաժնի վերջին նորությունները
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |