ԱՄՆ-ը զգուշության կոչ է արել Թուրքիա մեկնող իր քաղաքացիներին

Միջազգային07:14, 28 Հունիս 2016

ԱՄՆ-ը զգուշության կոչ է արել Թուրքիա մեկնող իր քաղաքացիներին

ԱՄՆ պետքարտուղարությունը Թուրքիայում շրջագայել պատրաստվող իր քաղաքացիներին կրկին զգուշության կոչ է արել: CNN-ի թուրքական ծառայության տեղեկացմամբ՝ պետքարտուղարության կողմից թեմայի վերաբերյալ գրավոր հայտարարություն է հրապարակվել:

Հայտարարությունում մասնավորապես շեշտվում է, որ ահաբեկչական խմբավորումները Թուրքիայում թիրախավորում են հատկապես ԱՄՆ քաղաքացիներին: Ընդգծվում է, որ այդ խմբավորումները ավելի վաղ Եվրոպայում ահաբեկչություններ են իրականացրել առևտրի կենտրոններում, թիրախ են դարձրել քաղաքացիական ավիացիան, տրանսպորտային միջոցները, սպորտային կազմակերպությունները:

Հայտարարությունում ուշադրություն է հրավիրվել նաև այն հանգամանքի վրա, որ Թուրքիայի Հաթայ, Քիլիս, Գազիանթեփ, Շանլըուրֆա, Շըրնաք, Դիարբեքիր, Վան, Սիիրթ, Մուշ, Մարդին, Բաթման, Բինգյոլ, Թունջելի, Հաքքարի, Բիթլիս, Էլազըղ քաղաքներում ԱՄՆ պետական ծառայողների շրջագայությունների վերաբերյալ սահմանափակումները դեռևս շարունակում են:

Հիշեցնենք, որ ավելի վաղ՝ մարտի 29-ին, ԱՄՆ-ը հանդես էր եկել իր քաղաքացիներին ուղղված ևս մեկ նմանատիպ կոչով:

Աղբյուր` Ermenihaber.am

Այս ենթաբաժնի վերջին նորությունները

12:53, 10 սեպ

Թուրքիան անհանգստացած է Տրիպոլիի շրջանում Եգիպտոսի գործողություններից

Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։

12:16, 10 սեպ

Իսրայելցի լրագրող. «Այսօր Կատարը, վաղը՝ Թուրքիան»

Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։

13:41, 03 սեպ

Թուրքիան ցավակցել է Սուդանին

Սուդանում մի քանի օր շարունակվող հորդառատ անձրևներից հետո սողանք է տեղի ունեցել, որը խլել է առնվազն 1000 մարդու կյանք։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքական բլոգը ներկայացրել է 20 հետաքրքիր փաստ Հայաստանի մասին

Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։