Միջազգային08:23, 20 Հունիս 2016
Անգլիայի վարչապետն իր պաշտոնավարման օրոք Թուրքիայի եվրաինտեգրումը հնարավոր չի համարում
Անգլիայի վարչապետ Դեյվիդ Քեմերոնը BBC-ի «Question Time» ծրագրի եթերում պատասխանել է հունիսի 23-ին կայանալիք Եվրամիությունից (ԵՄ) դուրս գալու հանրաքվեին և Թուրքիայի եվրաինտեգրմանն առնչվող հարցերին:
Թուրքական «Milliyet» թերթի կայքի փոխանցմամբ՝ վարչապետը մասնավորապես նշել է, որ առաջիկա տասնամյակների ընթացքում Թուրքիայի ԵՄ անդամակցությունը անհնար է: Նա համոզմունք է հայտնել, որ այս թեման հանաքվեի համատեքստում օգտագործվում է՝ ուշադրություն շեղելու նպատակով:
«Մեր երկրում կամ ամբողջ Եվրոպայում չեք գտնի գոնե մի մասնագետի, ով կասի, թե Թուրքիան առաջիկա 30 տարվա ընթացքում կարող է ԵՄ անդամ դառնալ: Ինտեգրման համար անհրաժեշտ է բացել և փակել 35 «բանակցային ուղղություններ»: Մինչ օրս Թուրքիան միայն մեկ ուղղությունն է գլուխ բերել: Նման տեմպերով Թուրքիան 3000թ. ԵՄ անդամ կդառնա»:
Քեմերոնը նշել է, որ եթե Թուրքիայի եվրաինտեգրումը մոտակա տարիներին հնարավոր լիներ, ապա ինքն այդ գործընթացին չէր աջակցի,բայց դա, ըստ նրա, միևնույնն է, անհնար է:
«Դա կարող է լինել առաջիկա 30-40 տարվա ընթացքում, երբ ես արդեն վարչապետ չեմ լինի: Մենք շատ աջակցեցինք Թուրքիային՝ անդամակցության հարցում, քանի որ ցանկանում էինք, որ արևմտամետ երկիր լինի: Ուզում էինք, որ ժողովրդավարությունը, իրավունքի գերակայությունը գերիշխի Թուրքիայում: Չենք ուզում, որ լրագրողները բանտարկվեն, բայց այս պահին, անկեղծ ասած, ամեն ինչ այնքան էլ լավ չէ:
Ես չէի կամենա, որ այս հանրաքվեին մարդիկ կողմ քվեարկեին ԵՄ-ից դուրս գալուն՝ առաջնորդվելով այն համոզմունքով, թե Թուրքիան դառնալու է ԵՄ անդամ, որովհետև նման բան չի լինելու», - հավելել է Անգլիայի վարչապետը:
Այս ենթաբաժնի վերջին նորությունները
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Սուդանում մի քանի օր շարունակվող հորդառատ անձրևներից հետո սողանք է տեղի ունեցել, որը խլել է առնվազն 1000 մարդու կյանք։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |