Անգլիայի վարչապետ. «Թուրքիան ԵՄ անդամ կարող է դառնալ միայն 3000թ.-ին»

Միջազգային13:29, 03 Հունիս 2016

Անգլիայի վարչապետ. «Թուրքիան ԵՄ անդամ կարող է դառնալ միայն 3000թ.-ին»

Անգլիայի վարչապետ Դևիդ Քեմերոնը բրիտանական «Sky New TV»-ի ուղիղ եթերում խոսել է Եվրամիությունում (ԵՄ) Անգլիայի անդամակցության շարունակվելու վերաբերյալ անցկացվելիք հանրաքվեի մասին: Թեմայի շրջանակներում վարչապետն անդրադարձել է նաև Թուրքիայի՝ ԵՄ անդամակցության հնարավորության խնդրին:

Թուրքական «Ensonhaber.com» լրատվական կայքի փոխանցմամբ՝ հեռուստադիտողներից մեկի հարցին պատասխանելիս Քեմերոնը կրկին համոզմունք է հնչեցրել, որ մոտ ապագայում Թուրքիան չի կարող ԵՄ անդամ դառնալ:

«Թուրքիայի անդամակցությունը Եվրամիությանը առաջիկա տասնամյակների ընթացքում հնարավոր չէ: Նրանք անդամակցության հայտ են ներկայացրել 1987թ., առայժմ համապատասխանում են միայն 35 չափորոշչի: Նրանք միայն 3000 թվականին կարող են միանալ ԵՄ-ին:

Դուք կարող եք կողմ կամ դեմ քվեարկել, սակայն Թուրքիան առաջիկայում չի կարող ԵՄ անդամ դառնալ»:

Քեմերոնը նշել է, որ որպես Եվրոպային հարևան երկիր և Եվրոպայի սահմանները պաշտպանելու, փախստականների խնդիրը կարգավորելու նպատակով Թուրքիայի հետ անհրաժեշտ է շարունակել համագործակցությունը: Սակայն դա չի կարող նշանակել, թե Թուրքիան մոտ ապագայում կդառնա ԵՄ անդամ:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: