Ցեղասպանություն14:04, 24 Ապրիլ 2016
Թուրքիայի խորհրդարանի հայ պատգամավորները մեկնաբանում են Էրդողանի «ցավակցական ուղերձը»
Թուրքիայի խորհրդարանի հայ պատգամավորներ՝ ընդդիմադիր «Ժողովրդահանրապետական կուսակցությունից Սելինա Դողանը, քրդամետ «Ժողովուրդների դեմոկրատիա կուսակցությունից Գարո Փայլանը և իշխանական «Արդարություն և զարգացում կուսակցությունից Մարգար Եսայանը մեկնաբանել են նախագահ Թայիփ Էրդողանի ապրիլքսարչորսյան ցավակցական ուղերձը:
Պոլսի հայոց պատրիարքարանում այսօր տեղի ունեցած հիշատակման արարողությանը մասնակցած պատգամավորները «Ակօս» թերթի հետ զրույցում ներկայացրել են իրենց վերաբերմուքնը Էրդողանի ուղերձի վերաբերյալ:
CHP-ական Սելինա Դողանը նախագահի քայլը դրական է գնահատել՝ ասելով. «Ցանկանում ենք, որ անցած տարիների ընթացքում թափ առած և 2 ժողովուրդների մտերմացմանն ուղղված քաղաքական գործընթացը և քաղաքական քայլերն առանց որևէ նախապայմանի շարունակվեն: Մեր ցանկությունն է, որ նախապայմաններից հեռու մնալով, բարեկամաբար ու խաղաղությամբ այս երկրում ապրենք ու մեր ցավերի հետ առերեսվենք: Ցանկանում ենք, որ ավելի մարդկային և խելամիտ մոտեցմամբ այս հարցը առողջ մթնոլորտում քննարկվի ինչպես Թուրքիայի խորհրդարանի հարկի տակ, այնպես էլ այլ երկրների խորհրդարաններում»:
HDP-ական Գարո Փայլանը պատրիարքարանում ցեղասպանության զոհերի հիշատակման արարողության անցկացումը կարևոր է համարել, բայց նշել է, որ նախորդ տարի կարծես ավելի մեծ կարևորություն տրվեց ապրիլի 24-ին և նույնիսկ առերեսվելու կամք կար: Իսկ այս տարի ամեն ինչ իզուր է, և առերեսվելու կամքն էլ «սառնարան է դրվել»:
«Այսօր մենք ունենք մի կառավարությունը, որի համար այս ամենը, ինչ տեղի է ունենում այստեղ, բնավ կարևոր չէ: Ճանապարին, երբ գալիս էի պատրիարքարան, բոլոր ճանապարհները փակ էին, քանի որ այս տարի էլ որոշել են ապրիլի 24-ին հեծանվարշավ կազմակերպել: Ժամանակին այս երկրում ամեն 5 քաղաքացուց մեկը հայ է եղել: Նրանք բոլորը բնաջնջվել են: Այսօր մենք փոքրամասնություն ենք դարձել, իսկ ապրիլի 24-ն էլ՝ հեծանվարշավի օր: Մենք կհամարենք, որ առերեսվել ենք այս հարցի հետ, երբ ապրիլի 24-ը Թուրքիայի համար դառնա կարևոր օր»:
AKP-ական Մարգար Եսայանը ողջունել է նախագահի ուղերձը՝ համոզմունք հայտնելով, որ այն կարող է հայ համայնքում դրական տեղաշարժի հնարավորություն տալ:
«Հույս ունեմ, որ հանրության և պետությունների միջև նախապայմանները կվերանանան»:
Այս ենթաբաժնի վերջին նորությունները
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |