Միջազգային12:43, 14 Ապրիլ 2016
Թուրքիան կրկին առ ոչինչ կճանաչի ԵՄ-ի զեկուցը՝ «ցեղասպանություն» որակման համար
Ապրիլի 14-ին Եվրախորհրդարանում քննարկման է դրվել և հաստատվել Եվրոպական միության (ԵՄ)՝ 2015թ. Թուրքիայի առաջընթացի վերաբերյալ զեկույցը:
Թուրքական «Anadolu» պետական լրատվական գործակալության համաձայն՝ զեկույցի հաստատումից կարճ ժամանակ առաջ ելույթով հանդես եկած ԵՄ հարցերով Թուրքիայի նախարար Վոլքան Բոզքըրը հայտարարել էր, որ եթե զեկույցի վերջնական, «ամենախիստ» տարբերակը հաստատվի, իրենք այն «առ ոչինչ» կճանաչեն:
Թուրք նախարարը հույս էր հայտնել, որ Եվրախորհրդարանի «խելամիտ պատգամավորները» կմերժեն այդ զեկույցը: Նա նաև շեշտել էր, որ ԵՄ-ի զեկույցը ամեն դեպքում, որևէ հարկադրող նշանակություն չունի:
Բոզքըրը հիշեցրել է, որ անցյալ տարի Թուրքիան «առ ոչինչ» էր ընդունել ԵՄ հաշվետվությունն սոսկ այն պատճառով, որ այնտեղ 1915թ. կատարվածը որակվել էր որպես ցեղասպանություն: Թուրք նախարարը նշել է, որ այս տարի ևս Թուրքիան չի ընդունի զեկույցը նույն պատճառով:
Եվրամիության հարցերով նախարարն անդրադարձել է նաև Թուրքիայի և ԵՄ-ի միջև գաղթականների խնդրի վերաբերյալ ձեռք բերված համաձայնությանը և ընդգծել, որ եթե խոստացված առանց վիզայի ռեժիմը չներդրվի, ապա Թուրքիան կարող է հրաժարվել այս առումով իր ստանձնած պարտավորություններից:
Հիշեցնենք,որ Թուրքիայի առաջընթացի զեկույցի պատասխանատու Քեթի Փիրին հայտնել էր, որ առանց վիզայի ռեժիմը չի կարող ներդրվել հունիսին, ինչպես խոստացվել էր ավելի վաղ:
Իսկ ԵՄ զեկույցում մասնավորապես շեշտված է այն հանգամանքը, որ ԵՄ-ի համար առաջնային նշանակություն ունեցող ոլորտներում Թուրքիան հեռացել է կոպենհագենյան սկզբունքներից: Խոսքը վերաբերում է հատկապես անկախ դատավարության, հավաքներ կազմակերպելու և խոսքի ազատության, մարդու իրավունքների և իրավական պետության հանդեպ հարգանքի սկզբունքներին:
Այս ենթաբաժնի վերջին նորությունները
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |