ԵԽ-ում քվեարկության է դրվել Թուրքիայի մասին վերջին տարիների ամենախիստ զեկույցը

Միջազգային08:01, 14 Ապրիլ 2016

ԵԽ-ում քվեարկության է դրվել Թուրքիայի մասին վերջին տարիների ամենախիստ զեկույցը

Եվրախորհրդարանում (ԵԽ) քվեարկության է դրվել Թուրքիայի մասին զեկույցը: Թուրքական «Sozcu» լրատվական կայքի տեղեկացմամբ՝ այն վերջին տարիների ամենախիստ զեկույցն է, որն անդրադառնում է Թուրքիայում խոսքի և մամուլի ազատության սահմանափակումներին, Թուրքիայի ժողովրդավարացման գործընթացին, քրդական հարցին, երկրի հարավ-արևելյան շրջաններում շարունակվող բախումներին, իրավունքի գերակայության անկմանը, Թուրքիա-ԵՄ միջև փախստականների հարցով ձեռք բերված պայմանավորվածությանը, կիպրական հարցին:

ԵԽ-ն մտահոգիչ է համարում Թուրքիայում մամուլի ազատության ասպարեզում տեղի ունեցող զարգացումները, որոնք արձանագրվում են ժողովրդավարության և իրավունքի հետընթացին զուգահեռ: Զեկույցը պահանջում է, որ Թուրքիայում կոռուպցիայի դեմ պայքարին առաջնահերթություն տրվի, իսկ ահաբեկչության դեմ պայքարի իրավական կարգավորումները համապատասխանեցվեն Մարդու իրավունքների եվրոպական դատարանի որոշումներին:

Զեկույցում ընդգծվում է, որ քրդական հարցը ռազմական լուծում չունի և թուրքական կառավարությունից պահանջվում է կրկին բանակցություններ սկսել ու վերջ տալ հարավ-արևելյան շրջաններում հաստատված պարետային ժամին:

ԵԽ-ն Թուրքիայից պահանջում է դադարեցնել պատժամիջոցները այն մտավորականների նկատմամբ, որոնք ստորագրել էին քրդական հարցի խաղաղ կարգավորմանը վերաբերող դիմումը:

Գնահատելով Թուրքիայի՝ «Իսլամական պետության» դեմ պայքարում միջազգային կոալիցիայի մեջ ներգրավված լինելու փաստը՝ ԵԽ-ն միաժամանակ քննադատել է Անկարային Սիրիայում ԻՊ-ի դեմ պայքարող քրդական խմբավորումների դեմ կռվելու համար:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: