Թուրք պատգամավորը Էրդողանին է մեղադրել Բրյուսելի ահաբեկչությունների համար

Միջազգային12:01, 22 Մարտ 2016

Թուրք պատգամավորը Էրդողանին է մեղադրել Բրյուսելի ահաբեկչությունների համար

Թուրք պատգամավոր Գայե Ուսլուն այսօր Բրյուսելում տեղի ունեցած արյունալի ահաբեկչությունների համար մեղադրել է Թուրքիայի նախագահ Ռեջեփ Թայիփ Էրդողանին:

Թուրքական իշխանամետ «Sabah» թերթի կայքի տեղեկացմամբ՝ երկրի գլխավոր ընդդիմադիր ուժը հանդիսացող «Ժողովրդահանարապետական» կուսակցության (ԺՀԿ-CHP) ներկայացուցիչը նշել է, որ Էրդողանը ահաբեկչությամբ է սպառնացել Բելգիային և իրագործել է իր սպառնալիքը:

Գայե Ուսլուն Twitter-ի իր միկրոբլոգում հետևյալ գրառումն է արել.

«Հանրապետության նախագահը դեռ երկու առաջ չէ՞ր սպառնացել Բրյուսելին` ասելով թե՝ ահաբեկչությունը ձեզ էլ կհասնի»:

Հիշեցնենք, որ մարտի 22-ին Բելգիայի մայրաքաղաք Բրյուսելի օդանավակայանում և մետրոպոլիտենում իրար հաջորդող մի քանի պայթյուն է որոտացել: Կա առնվազն 23 զոհ, ավելի քան 50 վիրավոր: Երկրում լայնամասշտաբ անվտանգության միջոցառումներ են իրականացվում:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: