Ցեղասպանություն11:06, 17 Մարտ 2016
Ապրիլի 24-ին Գլենդելի դպրոցները չեն գործի՝ ի հիշատակ Հայոց ցեղասպանության
ԱՄՆ-ի Կալիֆորնիա նահանգի հայաշատ Գլենդել քաղաքում ապրիլի 24-ը հայտարարվել է «Հայոց ցեղասպանության հիշատակի օր», ինչի առթիվ այդ օրը բոլոր դպրոցների համար կլինի ոչ աշխատանքային:
Թուրքական «Demokrathaber» լրատվակայքի թղթակից Հրանտ Գասպարյանը տեղեկացնում է, որ Գլենդելի դպրոցների տարածաշրջանային միությունը միաձայն ընդունել է այս մասին առաջարկված բանաձևի նախագիծը:
Այսպիսով, Գլենդելը կլինի ԱՄՆ-ի առաջին քաղաքը, որ, ի հիշատակ Հայոց ցեղասպանության անմեղ զոհերի, ապրիլի 24-ին կփակի դպրոցների դռները: Նշվում է նաև, որ Գլենդելի դպրոցներում օգտագործվող բոլոր օրացույցերում ապրիլի 24-ը կնշվի որպես «Հայոց ցեղասպանության հիշատակի օր»:
Թեմայի վերաբերյալ հայտարություն տարածած ԱՄՆ-ի հայ դատի հանձնախումբը (ANCA) այս բանաձևի ընդունումը որակել է որպես կարևոր քայլ՝ հանուն արդարության պայքարող ամեն մեկի համար:
ANCA-ի ներկայացուցիչ Էլեն Ասատրյանն ընդգծել է, որ նախագծի հաստատումը հարգանքի տուրք է ոչ միայն Հայոց ցեղասպանության զոհերի հիշատակին, այլև ցեղասպանության ընթացքում իրենց իսկ հայրենիքում գաղթական դարձած 132.000 հայ որբերին օգնելու համարձակություն ունեցած ԱՄՆ քաղաքացիներին:
«Օսմանյան ժամանակաշրջանում մայրաքաղաք Ստամբուլում բնակվող ավելի քան 200 հայ մտավորականներ, որոնց թվում՝ գրողներ, լրագրողներ, թարգմանիչներ, փաստաբաններ, քաղաքական գործիչներ, բժիշկներ և ուսուցիչներ, «Միություն և առաջադիմություն» կուսակցության իշխանության ներկայացուցիչ և ներքին գործերի նախարար Թալեաթ փաշայի հրամանով 1915թ. ապրիլի 24-ին ձերբակալվեցին և ուղարկվեցին Անկարայի մոտակայքի հավաքակայաններ: Այդ ճամբարներում աքսորված մտավորականներից միայն շատ քչերը ողջ մնացին, իսկ ավելի ուշ ձերբակալված և նույն ճամբարներ ուղարկված բոլոր մտավորականները սպանվեցին:
Հայոց ցեղասպանության սկզբի խորհրդանիշը հանդիսացող ապրիլի 24-ին ամեն տարի Հայաստանում և աշխարհի տարբեր երկրներում հիշատակի միջոցառումներ են կատարվում»,- գրում է Գասպարյանը:
Այս ենթաբաժնի վերջին նորությունները
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքական մամուլում Բահթիյար Էրսայը բնութագրվում է որպես «ղարաբաղյան հաղթանակի ճարտարապետ»։
Մզկիթում այրվող գիրքն ու գորգը նկատել է մի կին և սկսել բղավել։
Այդ պաշտոնին նշանակվել է ցամաքային ուժերի հրամանատար գեներալ Սելջուք Բայրաքթարօղլուն:
ԱՄՆ նախագահ Դոնալդ Թրամփի վարչակազմը նախազգուշացրել է, որ եթե մինչև օգոստոսի 8-ն Ուկրաինայում հրադադար չհաստատվի Ռուսաստանի հետ առևտրի մեջ գտնվող երկրներից գանձվող հարկերը կմեծանան:
Վարկը տրամադրվում է Թուրքիայի էներգետիկ համակարգի արդիականացման համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |