Թուրքիայի նախագահը դարձել է բրազիլացի հայտնի ծաղրանկարչի թիրախը

Միջազգային09:55, 12 Մարտ 2016

Թուրքիայի նախագահը դարձել է բրազիլացի հայտնի ծաղրանկարչի թիրախը

Բրազիլացի հայտնի ծաղրանկարիչ Կարլոս Լաթուֆը Թուրքիայի նախագահ Ռեջեփ Թայիփ Էրդողանի հետ կապված ծաղրանկար է հեղինակել: Թուրքական ընդդիմադիր «haber.sol» լրատվամիջոցի փոխանցմամբ՝ Լաթուֆն իր ծաղրանկարում անդրադարձել է Եվրամիության (ԵՄ) և Թուրքիայի միջև փախստականների թեմայով ընթացող բանակցություններին:

Նշյալ ծաղրանկարում պատկերված Էրդողանի ետևում թուրք-սիրիական սահմանի անցակետերից մեկն է, որտեղ կուտակվել են հազարավոր փախստականներ: Եվ Էրդողանը թույլ չի տալիս, որպեսզի նրանք հատեն սահմանը: Իսկ մյուս կողմից ԵՄ-ն է, որը Թուրքիայի նախագահին պարկով փող է տալիս: Նշյալ բանակցությունները ծաղրանկարիչը որակել է որպես «փախստականների առևտուր»:

Նշենք, որ ավելի վաղ Լաթուֆը մի քանի անգամ ծաղրանկարներ է հեղինակել Թուրքիայի և հենց Էրդողանի հետ կապված թեմաներով: Մասնավորապես դրանցից մեկում պատկերված էր Թուրքիայի նախագահի և «Իսլամական պետություն» (ԻՊ) ահաբեկչական կազմակերպության զինյալների միջև եղած կապերը:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: