Միջազգային07:37, 02 Մարտ 2016
NASA. Թուրքիայում 1998թ. սկսված երաշտը ամենաչորայինն է վերջին 9 դարերում
Ամերիկյան Օդագնացության և տիեզերական տարածությունների հետազոտության ազգային վարչության (NASA) տվյալների համաձայն՝ Թուրքիայում 1998-ից սկսված երաշտն ամենաչորն է վերջին 9 դարերի ընթացքում:
Թուրքական «sözcü.com.tr» լրատվակայքի տեղեկացմամբ՝ Նյու Յորքի NASA Goddard տիեզերական հետազոտությունների ինստիտուտի կլիմայագետ Բեն Քուքն ու նրա ղեկավարած մասնագետների խումբը վերստեղծել են Միջերկրական ծովի ափամերձ շրջաններում վերջին հազարամյակի կլիմայական փոփոխությունների մոդելները:
Միաժամանակ ուսումնասիրվել են նաև 1100- 2012թթ. վերաբերող փաստաթղթերը և արձանագրվել երաշտի դեպքերը: Ուսումնասիրվող տարածքը ներառում է Հյուսիսային Աֆրիկան, Իսպանիան, Ֆրանսիայի հարավը, Իտալիան, Հունաստանը, Լիբանանը, Հորդանանը, Սիրիան ու Թուրքիան:
Արդյունքները ցույց են տվել, որ 1998-2012թթ. մասնավորապես Թուրքիայում գրանցված երաշտը վերջին 500 տարվա համեմատ 50 տոկոսով ավելի չորային է: Իսկ վերջին 900 տարվա համեմատ ներկայիս երաշտն ավելի խիստ է 10-20 տոկոսով:
NASA-ի մասնագետների համոզմամբ՝ Միջերկրածովյան գոտում հետզհետե ավելի հաճախ և խիստ դրսևորվող երաշտների առաջացման մեջ ավելի մեծ է մարդածին գործոնը, քան բնական պայմանները: Ըստ կանխատեսումների՝ առաջիկա հարյուրամյակների ընթացքում նշված տարածքներում շատ ավելի չորային երաշտների առաջացման վտանգ կա:
Հետազոտության արդյունքները կհրապարակվեն ամերիկյան «Geophysical Research-Atmospheres» ամսագրում:
Այս ենթաբաժնի վերջին նորությունները
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Իրանի և Իսրայելի ֆոնդային բորսաներում ևս զգալի անկում է նկատվում։
Մայիսի 19-ին Թուրքիայից, Սիրիայից և Հորդանանից բաղկացած համակարգող ստորաբաժանումները սկսել են իրենց ծառայությունը Սիրիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |