Սիրիայի քրդերը Մոսկվայում ներկայացուցչություն են բացել

Միջազգային07:35, 11 Փետրվար 2016

Սիրիայի քրդերը Մոսկվայում ներկայացուցչություն են բացել

Սիրիայի քրդական տարածքները փաստացիորեն կառավարող «Ժողովրդավարական միություն կուսակցությունը» (ԺՄԿ-PYD) Ռուսաստանի մայրաքաղաք Մոսկվայում ներկայացուցչություն է բացել:

Ըստ թուրքական «Milliyet» թերթի կայքի` «Արևմտյան Քուրդիստանի ներկայացուցչություն» անվամբ բացված գրասենյակը ներկայացնելու է PYD-ի կողմից Սիրիայի հյուսիսում ինքնավար հռչակված 3 քրդական կանտոնները` (շրջաններ) Քոբանի, Ջեզիրե, Աֆրին:

Գրասենյակը բացվել է նույն շենքում, որտեղ դեկտեմբեր ամսին Թուրքիայի քրդամետ «Ժողովուրդների դեմոկրատական կուսակցություն» (HDP-ԺԴԿ) համանախագահ Սելահեթթին Դեմիրթաշը բացել էր «Քուրդ գործարարների միավորում» կազմակերպությունը:

Բացման արարողությանը մասնակցել են Թուրքիայի խորհրդարանի HDP-ական պատգամավոր Ֆելեքնաս Ուջան, Ռուսաստանում PYD-ի ներկայացուցիչ Աբդուսսալամ Ալին, ԱՄՆ-ում և Եվրոպայում Սիրիայի քրդերի ներկայացուցիչ Սենամ Մուհամմեդը, ինչպես նաև Ռուսաստանում Դոնեցկի և Լուգանսկի շրջանների ներկայացուցիչները:

Ուշագրավ է, որ բացման արարողության ժամանակ գրասենյակում ցուցադրված քարտեզում Թուրքիայի արևելյան շրջաններից շատերը ներկայացված են եղել որպես քրդական տարածքներ:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: