Միջազգային09:51, 08 Փետրվար 2016
Էկվադորցի դասախոսները Էրդողանի դեմ ստորագրահավաք են կազմակերպել
Էկվադորի Ազգային հետազոտական ինստիտուտի (ԱՀԻ-IAEN) մի խումբ դասախոսներ Թուրքիայի նախագահ Ռեջեփ Թայիփ Էրդողանի դեմ ստորագրահավաք են սկսել: Թուրքական «evrensel.net» լրատվակայքի տեղեկացմամբ՝ գիտնականների բողոքը, որն ուղղված է օրեր առաջ Էկվադորի մայրաքաղաք Կիտոյում Էրդողանի թիկնապահների կողմից երկրի քաղաքացիների նկատմամբ կիրառված բռնության դեմ, ստորագրվել է IAEN-ի 20-ից ավելի դասախոսի կողմից:
IAEN-ի ղեկավարությանն ուղղված բողոք-նամակում դասախոսները խստորեն դատապարտել են բռնության նշյալ դրսևորումները և քննադատել մարդու իրավունքները ոտնահարող անձանց մուտքն իրենց ինստիտուտի տարածք: Էկվադորցի մտավորականները ինստիտուտի ղեկավարությունից պահանջել են միջադեպի առթիվ անհրաժեշտ միջոցներ ձեռնարկել:
Հիշեցնենք, որ օրեր առաջ Լատինական Ամերիկա այցի շրջանակներում Էրդողանը մասնակցել էր Կիտոյում կայացած «Թուրքիայի արտաքին քաղաքականությունը և Լատինական Ամերիկան» խորագրով կոնֆերանսին: Կոնֆերանսի ընթացքում դահլիճ ներխուժած մի խումբ ցուցարար կանայք Էրդողանի դեմ կարգախոսներ էին հնչեցրել՝ քննադատելով նրա հակաքրդական գործողությունները և նրան «մարդասպան» անվանել:
Դրանից հետո Թուրքիայի նախագահի անվտանգության աշխատակիցները ծեծի էին ենթարկել Էկվադորի քաղաքացիներին: Նրանք ծեծել էին նաև խորհրդարանի պատգամավոր Դիեգո Վինտիմիլային, ով փորձել էր պաշտպանել ցուցարարներին: Արդյունքում թուրք թիկնապահները կոտրել էին էկվադորցի պատգամավորի քիթը:
Այս ենթաբաժնի վերջին նորությունները
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |