Գերմանիան 50%-ով կմեծացնի փախստականների համար Թուրքիային տրամադրվելիք գումարը

Միջազգային09:42, 25 Հունվար 2016

Գերմանիան 50%-ով կմեծացնի փախստականների համար Թուրքիային տրամադրվելիք գումարը

Գերմանիան կմեծացնի փախստականներին ապաստան տալու համար Թուրքիային տրամադրվելիք ֆինանսական օգնության ծավալները: Թուրքական «Milliyet» թերթի համաձայն՝ այս մասին հայտարարել է Գերմանիայի տնտեսական զարգացման հարցերով նախարար Գերդ Մյուլլերը, ով հունվարի 26-ին մեկնելու է Թուրքիա:

Գերմանական «Bild am Sonntag» թերթին տված հարցազրույցի ժամանակ նախարարը հայտնել է, որ սկզբնապես նախատեսված 36 մլն եվրոյի փոխարեն Թուրքիային արդեն կտրամադրվի 50 մլն եվրո:

Նշվում է, որ այդ գումարը հիմնականում օգտագործվելու է սահմանամերձ շրջաններում դպրոցների և այլ ուսումնական հաստատությունների ու ենթակառույցների կառուցման ու զարգացման նպատակով:

Մյուլլերն ընդգծել է , որ Թուրքիան ապաստան է տվել ավելի քան 2.5 մլն սիրիացու: «Մենք էլ պարտավոր ենք այդ մարդկանց համար որոշակի ապագա ստեղծել: Այդ պատճառով էլ մեր մասնակցույթունն ենք ցուցաբերում», - հավելել է գերմանացի նախարարը:

Աղբյուր` Ermenihaber.am

Այս ենթաբաժնի վերջին նորությունները

14:18, 07 մայ

Թուրքիան դատապարել է Հնդկաստանի հարձակումը Պակիստանի վրա

Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։