Ջակարտայում թուրքական դեսպանատան մոտ պայթյուններ են տեղի ունեցել

Միջազգային08:40, 14 Հունվար 2016

Ջակարտայում թուրքական դեսպանատան մոտ պայթյուններ են տեղի ունեցել

Ինդոնեզիայի մայրաքաղաք Ջակարտայում գտնվող թուրքական դեսպանատան շրջակայքում մի քանի պայթյուններ են որոտացել: Պայթյունների և դրանց հաջորդած բախումների հետևանքով զոհվել է 7 մարդ:

Թուրքական «Haberler» լրատվական կայքը իրազեկում է, որ առնվազն 6 հզոր պայթյուն է տեղի ունեցել, որոնցից 3-ը որոտացել են Թուրքիայի և Պակիստանի դեսպանատների մոտ: Պայթյուններ են եղել նաև նախագահական նստավայրի և ՄԱԿ-ի գրասենյակի հարևանությամբ գտնվող առևտրի կենտրոնների մոտ:

Ինդոնեզիայի ոստիկանության տարածած հայտարարության համաձայն՝ պայթյուններից առնվազն մեկն իրականացրել է մահապարտը, իսկ բախումներին մասնակցել է ավելի քան մեկ տասնյակ զինյալ:

Ոստիկանության մամուլի խոսնակ Անտոն Չարլիյանը տեղեկացրել է, որ հնարավոր է ահաբեկչական հարձակումների հետևում կանգնած է «Իսլամական պետություն» ահաբեկչական կազմակերպությունը (ԻՊ), քանի որվերջին շրջանում ԻՊ-ից սպառնալիքներ էին ստացել:

Դեռևս որևէ ահաբեկչական կազմակերպություն չի ստանձնել հարձակման պատասխանատվությունը:

Աղբյուր` Ermenihaber.am

Այս ենթաբաժնի վերջին նորությունները

14:18, 07 մայ

Թուրքիան դատապարել է Հնդկաստանի հարձակումը Պակիստանի վրա

Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։