Չինաստանի դեսպանատունը զգուշացնում է իր քաղաքացիներին՝ զգոն լինել Թուրքիայում

Միջազգային11:23, 24 Դեկտեմբեր 2015

Չինաստանի դեսպանատունը զգուշացնում է իր քաղաքացիներին՝ զգոն լինել Թուրքիայում

Դեկտեմբերի 22-ին Անկարայում Չինաստանի դեսպանատան պաշտոնական կայքում Թուրքիա մեկնել ցանկացող չինացիներին ուղղված հայտարարություն է հրապարակվել: Հայտարարության մեջ ուշադրություն է հրավիրվում այն հանգամանքի վրա, որ վերջին շրջանում Թուրքիայի օդանավակայաններում և օդանավերում, հյուրանոցներում ու տրանսպորտային միջոցներում, առևտրի կենտրոններում և այլ վայրերում Չինաստանի քաղաքացիները շատ հաճախ կողոպուտի և խարդախության զոհ են դառնում: Ուստի դեսպանատունը զգուշացնում է Թուրքիայում գտնվող Չինաստանի քաղաքացիներին՝ անվտանգության նկատառումներից ելնելով մեծ զգուշավորություն ցուցաբերել, ուշադիր լինել սեփական անձնագրերի և այլ անձնական իրերի նկատմամբ:

Իսկ նոյեմբերի 25-ին Չինաստանի Զբոբսաշրջության վարչության պաշտոնակայքում հրապարակվել էր չինացի զբոսաշրջիկներին ուղղված Չինաստանի ԱԳՆ-ի զգուշացումը՝ պայմանավորված ԻՊ-ի («Իսլամական պետություն» - İŞİD) կողմից առևանգված չինացու սպանության դեպքով: ԱԳՆ հայտարարությամբ կոչ էր արվում արտերկիր մեկնող Չինաստանի քաղաքացիներին՝ զերծ մնալ Սիրիա, Իրաք, Եմեն և Սիրիա-Թուրքիա սահմանամերձ գոտիներ այցելելուց, որտեղ անվտանգության պահպանման մակարդակը ցածր է և մարդկանց առևանգումները, ահաբեկչություններն ու պայթյունները հաճախակի բնույթ են կրում:

Աղբյուր` Ermenihaber.am

Այս ենթաբաժնի վերջին նորությունները

14:18, 07 մայ

Թուրքիան դատապարել է Հնդկաստանի հարձակումը Պակիստանի վրա

Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։