ԱՄն-ի պաշտպանության նախարարը Ինջիրլիքի ռազմաբազայում է

Միջազգային11:56, 15 Դեկտեմբեր 2015

ԱՄն-ի պաշտպանության նախարարը Ինջիրլիքի ռազմաբազայում է

ԱՄՆ-ի պաշտպանության նախարար Էշթոն Քարթերը աշխատանքային այցով գտնվում է Թուրքիայի Ադանա քաղաքի մոտ տեղակայված Ինջիրլիքի ռազմաբազայում:

Ըստ թուրքական «Doğan» լրատվական գործակալության` Քարթերը «Իսլամական պետություն» (ԻՊ) ահաբեկչական կազմակերպության դիրքերին ավիահարվածներ հասցնելու համար ռազմաբազայում գտնվող կոալիցիոն ուժերի ռազմական օդաչուների հետ հանդիպումից ու մի քանի խորհրդաժողովներից հետո կպատասխանի լրագրողների հարցերին:

Աղբյուրը նշում է, որ վերջին շրջանում հաճախակի են դարձել տարբեր բարձրաստիճան պաշտոնյաների այցերը ռազմաբազա` հիշեցնելով, որ նախորդ շաբաթ էլ այնտեղ հանդիպել ու խորհրդակցություն են անցկացրել ԱՄՆ-ի, Թուրքիայի, Իսպանիայի ու Քաթարի ցամաքային ուժերի ղեկավարությունները:

Մի քանի շաբաթ առաջ էլ Ինջիրլիքի ռազմաբազա էր այցելել ԱՄՆ-ի ԶՈւ գլխավոր շտաբի պետի տեղակալ գեներալ-լեյտենանտ Փոլ Սելվը:

ԱՄՆ-ի պաշտպանության նախարարը Թուրքիայից հետո կմեկնի Աֆղանստան, Իրաք և Բահրեյն:

Աղբյուր` Ermenihaber.am

Այս ենթաբաժնի վերջին նորությունները

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։