Թուրքիայում սովորող ռուս ուսանողները կվերադառնան Ռուսաստան

Միջազգային13:31, 01 Դեկտեմբեր 2015

Թուրքիայում սովորող ռուս ուսանողները կվերադառնան Ռուսաստան

44 ռուսական համալսարանների` թուրքական համալսարանների հետ համագործակցության դադարեցումից հետո հետաձգվել է Ռուսաստանի Ինովացիոն համագործակցության ֆոնդի և Թուրքիայի գիտատեխնոլոգիական ուսումնասիրությունների կենտրոնի համագործակցությամբ իրականացվելիք ընդհանուր մրցույթները:

Ըստ թուրքական «Birgün.net» լրատվական կայքի` Ռուսատանի կրթության նախարարությունը էկոնոմիկայի նախարարությանը նախագիծ է ներկայացրել, որով նախատեսվում է կասեցնել 1992 թվականին Ռուսաստանի և Թուրքիայի միջև կնքված համաձայնագրի շրջանակներում իրականացվող կրթական ու տեխնիկական համահործակցությունը:

Աղբյուրը նշում է նաև, որ Ռուսաստանի կրթական գերատեսչությունը շեշտել է, որ դրանով որևէ սահմանափակում չի դրվելու երկրի 123 ԲՈՒՀ-երում սովորող 1030 թուրք ուսանողների ուսումնառության գործընթացի վրա:

Այսքանով հանդերձ ռուսական կողմը հայտարարել է, որ ուսոնողների փոխանակման ծրագրերով Թուրքիայում սովորող ռուս ուսանողները կարճ ժամանակում կվերադառնան հայրենիք: Թուրքական աղբյուրը, վկայակոչելով «İnterfax» լրատվական գործակալության տվյալները, նշում է, որ Թուրքիայում սովորում են մոտ 100 ռուս ուսանողներ:

Աղբյուր` Ermenihaber.am