Տնտեսական11:36, 08 Հոկտեմբեր 2015
Ճապոնական «Toshiba»-ն պատրաստ է Թուրքիայում նոր ատոմակայան կառուցել
Ճապոնական «Toshiba» ընկերությունը պատրաստակամություն է հայտնել մասնակցելու Թուրքիայում նոր ատոմակայանի կառուցման նախագծին: Թուրքական «Akşam» պարբերականի փոխանցմամբ՝ ընկերության բիզնեսի զարգացման գծով մենեջեր Տոյոաքի Ֆուժիտան, հիշեցնելով, որ ճապոնական «Mitsubishi» ընկերությունը արդեն զբաղվում է Թուրքիայի Սինոպ քաղաքում նոր ատոմակայանի կառուցման աշխատանքներով, ասել է.
«Մենք ցանկանում ենք Թուրքիայի ատոմային էներգաարտադրությունում մեր մասնակցությունն ունենալ: Թուրքիան ատոմային էներգիայի կարիք ունի»:
Ճապոնացի մենեջերն ընդգծել է, որ «Toshiba»-ն Եվրոպայում ավելի շատ հայտնի է որպես համակարգչային և էլեկտրոնային տեխնոլոգիաների ընկերություն, մինչդեռ այն իր տեղն ունի նաև էներգետիկայի շուկայում և այս ոլորտում ևս տեխնիկապես պատրաստ գործունեություն ծավալելու:
Նշենք, որ նախօրեին Ճապոնիայում գտնվող Թուրքիայի նախագահ Ռեջեփ Թայիփ Էրդողանը հայտարարել էր, որ իրենց նպատակն է 2023թ. Թուրքիան դարձնել այնպիսի երկիր, որտեղ յուրաքանչյուր քաղաքացու բաժին է ընկնում տարեկան 25.000 դոլարի, իսկ ողջ երկրին՝ 2 տրիլիոն դոլարի ազգային եկամուտ. երկիր, որը տարեկան 500մլն դոլարի արտահանում է կատարում, որին պատկանում են աշխարհի սակավաթիվ նավահանգիստներն ու օդանավակայանները, ինչպես նաև՝ 3 նորակառույց ատոմակայան:
Ավելի վաղ՝ Ճապոնիա մեկնելիս լրագրողների հետ զրույցում Էրդողանը անդրադարձել է Մերսինում Ռուսաստանի կողմից կառուցվելիք ատոմակայանի նախագծին: «Եթե ռուսները դա չանեն, մեկ ուրիշը կգա , կանի: Ռուսներն այնտեղ արդեն 3 մլրդ դոլարի ներդրում են արել, հետևաբար, հենց ռուսները պետք է ավելի զգայուն լինեն այդ հարցում», - նշել է Թուրքիայի նախագահը: Էրդողանը ընդգծել է նաև, որ Թուրքիան ռուսական բնական գազի համար մեկ սպառողն է: Ուստի եթե Ռուսաստանը կորցնի Թուրքիային, լուրջ վնասներ կկրի:
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |