Միջազգային10:13, 03 Հոկտեմբեր 2015
WAN – IFRA-ի տնօրենը նամակով Էրդողանից պահանջել է վերջ դնել լրագրողների հանդեպ բռնություններին
«Հրատարակչական համաշխարհային ասոցիացիայի» (WAN-IFRA) տնօրեն Թոմաս Բրունեգարդը նամակով դիմել է Թուրքիայի նախագահ Ռեջեփ Թայիփ Էրդողանին՝ խստորեն քննադատելով Թուրքիայում մամուլի ազատության և լրագրողների նկատմամբ կիրառվող բռնությունները:
«Bugün» պարբերականի համաձայն՝ Բրունեգարդը պահանջել է անմիջապես դադարեցնել մամուլի ներկայացուցիչների նկատմամբ սպառնալիքները, բանտարկված լրագրողներին ազատ արձակել, համապատասխան միջոցներ ձեռնարկել լրագրողների անվտանգությունն ապահովելու համար և պատշաճ հարգանք ցուցաբերել խոսքի ազատության նկատմամբ: Նամակում քննադատվել է նաև թուրքական ընդդիմադիր «Hürriyet» պարբերականի և լրագրող Ահմեթ Հաքանի դեմ կազմակերպված հարձակումները, «Bugün»-ի թղթակից Գյուլթեքին Ավջըյի ձերբակալությունը:
Բրունեգարդն ընդգծել է, որ ինքը նամակը գրում է որպես 120 երկիր ներկայացնող ավելի քան 36.000 մեդիա կառույցների ներկայացուցիչ, և իրենք լրջորեն մտահոգված են Թուրքիայում մամուլի ձայնը լռեցնելու միջոցառումներից: Նա նաև նշել է, որ նոյեմբերի 1-ի ընտրություններից առաջ Թուրքիայում հատկապես մեծացել է ազատ մամուլ ունենալու անհրաժեշտությունը և կոչ է արել Էրդողանին ու նրա կուսակցության ներկայացուցիչներին ավելի շատ հարգանք ցուցաբերել խոսքի ազատության նկատմամբ:
Համաշխարհային ամենամեծ մեդիա ընկերության տնօրենը մտահոգություն է հայտնել, որ լրագրողների նկատմամբ իրականացվող հարձակումները կարող են իշխանության կողմից իրականացվող մի համակարգված արշավի մասը լինել և զգուշացրել է, որ նման քայլերը խախտում են Մարդու իրավունքների կոնվենցիայի ու մի շարք այլ միջազգային պայմանագրերի դրույթները:
«Լրագրողների պաշտպանության կոմիտե» CPJ միջազգային կազմակերպության տնօրեն Ժոել Սիմոնը ևս քննադատել է Թուրքիայում մամուլի և լրագրողների նկատմամբ կիրառվող բռնությունները՝ պահանջելով անհապաղ համապատասխան միջոցներ ձեռնարկել լրագրող Ահմեթ Հաքանի վրա հարձակում կազմակերպողներին պատժելու և Հաքանի խոսքի ազատությունը Թուրքիայի օրենքի սահմաններում ապահովելու և պաշտպանելու ուղղությամբ:
Այս ենթաբաժնի վերջին նորությունները
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Նշվում է, որ փառատոնը կտևի մինչև մայիսի 4-ը։
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |