ՆԱՏՕ-ն չի ծրագրում առաջիկայում ռազմական աջակցություն ցուցաբերել Թուրքիային

Միջազգային08:01, 23 Սեպտեմբեր 2015

ՆԱՏՕ-ն չի ծրագրում առաջիկայում ռազմական աջակցություն ցուցաբերել Թուրքիային

ՆԱՏՕ (Հյուսիսատլանտյան դաշինք) գլխավոր քարտուղար Յանս Ստոլտենբերգը հայտարարել է, որ մոտ ապագայում ՆԱՏՕ-ն չի նախատեսում լրացուցիչ ռազմական աջակցություն ցուցաբերել Թուրքիային` տարածաշրջանում ստեղծված իրավիճակի հետ կապված:

«CNNturk» լրատվական ծառայության փոխանցմամբ` Ստոլտենբերգը նշել է, որ Թուրքիան անհրաժեշտ ուժեր ունի, որպեսզի կարողանա իրեն պաշտպանել:

«Թուրքիան ունի մեծ բանակ և անվտանգության հզոր ուժեր: Այդ պատճառով ապագայում Թուրքիային ռազմական օգնություն տրամադրելու մասին խոսք չկա: Թուրքիան առանց ՆԱՏՕ-ի էլ կարող է իրեն պաշտպանել:»

Անդրադառնալով թուրքական օդուժի կողմից «Քուրդիստանի բանվորական կուսակցության» (ՔԲԿ-PKK) ռազմաճամբարներին և հենակետերին հարվածներ հասցնելուն՝ նա նշել է, որ ցանկացած երկիր իրավունք ունի իրեն պաշտպանել:

«Թուրքիան նույնպես ահաբեկչական հարձակումների դեմ պաշտպանվելու իրավունք ունի: Սակայն այդ պաշտպանությունը պետք է չափի մեջ լինի, որպեսզի խնդիրն անտեղի ավելի չմեծանա»:

Նա շեշտել է, որ ոչ մի «ահաբեկչական հարձակում» չպետք է խոչընդոտի թուրք-քրդական հաշտեցման գործողություններին ուղղված ջանքերին:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: