Հարցազրույց06:05, 08 Հունիս 2015
CNNTürk-ի խմբագիր. «Հայ պատգամավորները պետք է միասնաբար գործեն, այլապես հաջողություն չեն ունենա»
CNNTürk հեռուստատեսության լրատվական հաղորդումների գլխավոր խմբագիր Ֆերհաթ ԲորատավըՙErmenihaber.am-ի թղթակցի հետ զրույցում մեկնաբանեց հունիսի 7-ին Թուրքիայում անցկացված խորհրդարանական ընտրությունների նախնական արդյունքները:
Ֆերհաթ Բորատավը, նշելով որ, վերջին 12 տարվա մեջ առաջին անգամ խորհրդարանում կարծես ուժերի վերադասավորում է լինում, ասաց. «12 տարի է, ինչ Թուրքիան մոռացել էր, թե ինչ բան է կոալիցիան: Իսկ հիմա կոալիցիայի հարցը կրկին օրակարգում է: Այս առումով կարող եմ ասել, որ մենք ականատես ենք մեջլիսում արմատական փոփոխության»:
Հարցին, թե ինչով է պայմանավորված ընտրողների նախընտրության փոփոխությունը, Բորատավը պատասխանեց. «Դրսից Թուրքիան կարող է միատարր մի երկիր թվալ: Սակայն իրականում սա մի երկիր է, որտեղ առկա են բազմազան քաղաքական ու սոցիալական տարրեր. Այս տարրերը քայլ առ քայլ ապահովեցին բազմատարր մի կառույցի ձևավորումը: Այս գործում քրդական շարժումը մեծ դեր ունի: Նրանք քայլ առ քայլ կարողացան քաղաքական կշիռ ստեղծել: Առհասարակ այս անգամ Թուրքիան կունենա ավելի բազմաշերտ խորհրդարան, որովհետև նոր խորհրդարանում կլինեն հայ, հույն պատգավորներ, մեծ թվով կին պատգավորներ, ընդ որում նաև գլխաշորավորներ: Սա Թուրքիայի իրական պատկերն արտացոլող խորհրդարան է»:
Բորատավը ընդգծում է, որ չնայած նախորդ ընտրություններում ստացած ձայների համեմատ, այս անգամ իշխող «Արդարություն և զարգացում կուսակցությունը» (AKP-ԱԶԿ) ավելի քիչ ձայն է ստացել, այնուամենայնիվ շարունակում է մնալ ամենաշատ ձայն ստացած քաղաքական ուժը»:
Թեև ԱԶԿ-ն ստացել է ձայների ավելի քան 40 տոկոսը, բայց այնուամենայնիվ, ըստ Բորատավի, ԱԶԿ-ն պետք է մտածի իր պարտության պատճառների մասին ու դժվար է կանխատեսել, թե ինչպես կարձագանքի դրան:
Խորհրդարանում հայ պատգամավորների ներկայությունը դրական գնահատելով` Բորատավը նշում է, որ շատ կարևոր է, որ 3 հայ պատգամավորները հայերին վերաբերող հարցերում փոխհամաձայնեցված գործեն: Չնայած 3 նրանք տարբեր կուսակցություններ են ներկայացնում, բայց որոշակի հարցերում պետք է մի կողմ թողնեն իրենց կուսակցական տարաձայնությունները ու միասնաբար գործեն: Եթե առանձին-առանձին շարժվեն արդյունքի չեն հասնի»,- շեշտում է Բորատավ` օրինակ բերելով այս պահի ամենակտուալ կարևոր հարցերից մեկը` Քամփ Արմեն անունով հայտնի Ստամբուլի հայկական որբանոցի հարցը: Ըստ նրա` այդ կարևոր հարցով այժմ արդեն կարող են զբաղվել հենց հայ պատգամավորները:
Վերջում դրական գնահատելով ընդդիմադիր «Ժողովուրդների դեմոկրատական կուսակցության» (HDP-ԺՀԿ) մուտքը խորհրդարան` Բորատավը նշեց, որ Թուրքիան շատ պատմական խնդիրներ ունի, որոնց հետ պետք է առերեսվի, և այս կուսակցությունը առնվազն կապահովի այդ թենաների բարձրացումը խորհրդարանում:
Նշենք, որ հունիսի 7-ին կայացած հանրաքվեի արդյունքում, Թուրքիայի ներկայիս գումարման խորհրդարանում պատգամավորական մանդատներ ձեռք բերեցին իրենց թեկնածությունը առաջադրած ազգությամբ հայ Թուրքիայի 3 քաղաքացիներ: Նրանք են`
1. Իշխող «Արդարություն և զարգացում» կուսակցությունից Մարգար Եսայանը:
2. Ընդդիմադիր «Ժողովրդահանրապետական կուսակցությունից» Սելինե Դողանը:
3. Քրդամետ «Ժողովուրդների դեմոկրատական կուսակցությունից» Գարո Փայլանը:
Այս ենթաբաժնի վերջին նորությունները
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Պատգամավորը հայտնում է, որ ասորիների թիվն այժմ տարածաշրջանում խիստ նվազել է։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը Հայոց ցեղասպանության 109-րդ տարելիցին ընդառաջ հատուկ հարցազրույց է պատրաստել քաղաքական հայացնքերի պատճառով թուրքիան լքած Դողան Օզգյուդենի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |