Economist. «Թուրքիայի խորհրդարանական ընտրություններում ամենայն հավականությամբ կհաղթի իշխող կուսակցությունը»

Տարածաշրջան08:22, 29 Մայիս 2015

Economist. «Թուրքիայի խորհրդարանական ընտրություններում ամենայն հավականությամբ կհաղթի իշխող կուսակցությունը»

Անգլիական «Economist» պարբերականն անդրադարձել է հունիսի 7-ին կայանալիք Թուրքիայի խորհրդարանական ընտրություններին` շեշտելով, որ այդ երկրիրը հայտնվել է կարևոր ճամփաբաժանի առաջ. կամ կունենա ինքնիշխան ղեկավար, կամ` կոմպրոմիսային կառավարություն:

«Էրդողանի և Թուրքիայի համար վճռական պահ» վերնագրով հոդվածում նշվում է, որ Թուրքիայի նախագահ Ռեջեփ Թայիփ Էրդողանը չնայած արտաքին քաղաքականության ձախողման, տնտեսական աճի դանդաղեցման, ամեն ինչ անելու է իր հիմնած «Արդարություն և զարգացում» (AKP-ԱԶԿ) կուսակցության հաղթանակի համար:

Ըստ թուրքական «A24» լրատվական կայքի՝ Economist-ում հրապարակված հոդվածում նշվում է, որ ամենայն հավանականությամբ կհաղթի հենց իշխող ԱԶԿ-ն, որը 2001 թվականից մինչև օրս անընդմեջ հաղթել է ընտրություններում` չնայած առկա խնդիրներին՝ տնտեսական աճի նվազում, գործազրկության աճ, արտաքին քաղաքականության մեջ պարտություններ, քրդական հարցի առկայություն:

Ըստ թերթի ՝ այս ամենին նաև գումարվում է Էրդողանի՝ սահմանադրությունը փոխելու ցանկությունը: Այս խորհրդարանական ընտրությունը էլ կորոշի արդյոք Էրդողանը կկարողանա այդ փոփոխությունը անել՝ այն է հաստատել նախագահական կառավարման համակարգ, որը Թուրքիայի ապագայի տեսանկյունից շատ կարևոր է:

Economist-ը անդրադարձել է նաև քրդամետ «Ժողովուրդների դեմոկրատական կուսակցության» (HDP-ԺԴԿ) ընտրական շեմը հաղթահարելու կարևորությանը: Եթե ԺԴԿ-ն չկարողանա հավաքել ձայների 10%-ը, ապա քրդական հարցի խաղաղ կարգավորման գործընթացը կավարտվի:

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։