Միջազգային13:52, 22 Մայիս 2015
Թուրքիայի ԵՄ նախարար. «Եթե ԵՄ-ն չհանի վիզային ռեժիմը, մենք կչեղարկենք Ռեադմիսիայի համաձայնագիրը»
Թուրքիայի Եվրամիության (ԵՄ) հարցերով նախարար և գլխավոր բանագնաց Վոլքան Բոզքըրը «Գործարար կանանց միություն» կազմակերպության անդամների հետ հանդիպման ժամանակ հայտարարել է, որ եթե Եվրամիությունը Թուրքիայի քաղաքացիների համար չվերացնի վիզային ռեժիմը, ապա իրենք էլ չեղյալ կհամարեն դեռևս 2013-ի դեկտեմբերին Թուրքիայի և Եվրամիության միջև ստորագրված Ռեադմիսիայի (Հետընդունման մասին) համաձայնագիրը:
Թուրքական «haberler.com» լրատվակայքի հաղոդմամբ՝ Բոզքըրը նշել է, որ իրենք 1980թ. –ից ի վեր զբաղվում են վիզաների վերացման խնդրով, սակայն որևէ արդյունքի չեն հասել:
«Որքան մեզ համար վիզաների վերացման խնդիրն է կարևոր, այնքան էլ Եվրամիության համար կարևոր է «Հետընդունման պայմանագիրը»: Ես ասում եմ . եթե վիզաները չվերացնեք, մենք չեղյալ կհամարենք «Հետընդունման պայմանագիրը: Իսկապես կչեղարկենք, առանց կատակի»,- նշել է նախարարը:
Բոզքըրը նաև նշել է, որ Եվրամիությունը մուտքի վիզաները չի վերացնում այն պատճառաբանությամբ, թե այդ դեպքում 25 միլիոն թուրք կմեկնի Եվրոպա: Մինչդեռ, ըստ Բոզքըրի, պատճառներից մեկն էլ այն է, որ վիզաների հետ կապված ծախսերը դեսպանատների համար եկամտի կարևոր աղբյուր են: Դրան ի պատասխան էլ թուրք նախարարն ասել է, որ իզուր է ԵՄ-ում տիրող այդ մտավախությունը, քանզի հիմա Եվրոպայում այլևս աշխատանք չկա: Բոզքըրը, այնուամենայնիվ, հույս է հայտնել, որ Թուրքիայի քաղաքացիների համար Եվրոպա մեկնելու համար շուտով այլևս վիզա չի պահանջվի:
Հիշեցնենք, որ Եվրամիությունը եւ Թուրքիան Ռեադմիսիայի (Հետընդունման համաձայնագիր) և վիզային ռեժիմի վերացման գործընթացի սկսման վերաբերյալ համաձայնագրեր են ստորագրել դեռևս 2013-ի դեկտեմբերին:
Ռեադմիսիայի համաձայնագրով Թուրքիան պարտավորվել է հետ ընդունել Թուրքիայից ԵՄ տարածք մուտք գործած անօրինական ներգաղթյալներին, որոնք կվտարվեն ԵՄ-ից: Վիզային ռեժիմի վերացման գործընթացի շրջանակներում ստորագրված համաձայնագիրն էլ նախատեսում էր մեղմացնել Թուրքիայի քաղաքացիների համար վիզա ստանալու ընթացակարգերն ու կրճատել շենգենյան վիզա տրամադրելու համար սահմանված ժամկետը:
Համաձայնագրով նախատեսվում է նաև, որ Թուրքիայի քաղաքացիները և Եվրամիության 28 երկրներ առանց վիզայի այցելելու հնարավորություն կունենան 3-3,5 տարվա ընթացքում:
Այս ենթաբաժնի վերջին նորությունները
Ունալ Ուսթելը նշել է, որ ցանկանում են ամրապնդել մեր հարաբերությունները ոչ միայն Ադրբեջանի, այլև մյուս անդամ երկրների հետ։
Թուրքիայի ծայրահեղ աջ սուննի իսլամիստական «Մեծ միություն» (BBP) կուսակցության նախագահ Մուստաֆա Դեսթիջին անդրադարձել է Իսրայել-Իրան հակամարտությանը։
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |