Լյուքսեմբուրգի խորհրդարանը ճանաչել է Հայոց ցեղասպանությունը

Ցեղասպանություն07:23, 07 Մայիս 2015

Լյուքսեմբուրգի խորհրդարանը ճանաչել է Հայոց ցեղասպանությունը

Լյուքսեմբուրգի խորհրդարանը մայիսի 6-ին Հայոց ցեղասպանությունը ճանաչող բանաձև է ընդունել։ Օսմանյան կայսրությունում 1915-ին իրականացված հայության կոտորածները Լյուքսեմբուրիգի օրենսդիր մարմնում որակվել է որպես ցեղասպանություն:

Խորհրդարանը միևնույն ժամանակ դրական քայլ է համարել, Թուրքիայի նախկին և ներկա վարչապետներ Ռեջեփ Թաիփ Էրդողանի ու Ահմեթ Դավութօղլուի` օսմանցի հայերի ժառանգներին հղված ցավակցական ուղերձները: Բանաձևը Անկարային կոչ է անում խիզախություն դրսևորել և առերեսվել սեփական պատմության հետ:

Հիշեցնենք, որ Առաջին համաշխարհային պատերազմի տարիներին Օսմանյան կայսրությունում հայ բնակչության կոտորածներն ու զանգվածային տեղահանությունը` Հայոց Ցեղասպանությունը պաշտոնապես ճանաչել եւ դատապարտել են հետևյալ երկրները.

1. Ուրուգվայ - 1965 թ
2. Կիպրոս - 1982թ.
3. Ռուսաստան - 1995թ.
4. Հունաստան - 1996թ.
5. Կանադա - 1996թ.
6. Ֆրանսիա - 1998թ.
7. Արգենտինա - 1998թ.
8. Բելգիա - 1998թ.
9. Լիբանան - 2000թ.
10. Իտալիա -2000թ.
11. Վատիկան - 2000թ.
12. Շվեյցարիա - 2003թ.
13.Հոլանդիա - 2004թ.
14. Սլովակիա - 2004թ.
15. Գերմանիա - 2005թ.
16. Լիտվա - 2005թ.
17. Վենեսուելա - 2005թ.
18. Լեհաստան - 2005 թ.
19. Չիլի - 2007թ.
20. Հարավային Ավստրալիա - 2009թ.
21. Շվեդիա - 2010թ.
22. Ավստրիա- 2015թ.
23. Չեխիա- 2015թ.

Շվեյցարիան, Սլովակիան, Հունաստանը և Կիպրոսն էլ քրեականացրել են Հայոց ցեղասպանության ժխտումը:

Աղբյուր` Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։