Միջազգային08:05, 18 Հոկտեմբեր 2014
Սպիտակ տուն. «Հայ որբերի գորգի ցուցադրումն ուղերձ չէ Թուրքիային»
Սպիտակ տան ազգային անվտանգության խորհրդի խոսնակ Մարկ Սթրոն հերքել է այն կարծիքը, թե ցուցադրելով Հայոց ցեղասպանության խորհրդանիշ ընկալվող հայ որբերի գորգը, Ամերիկան ուղերձ է հղում Թուրքիային:
Խոսնակը հայտնել է, որ գորգը շատ կարևոր պատմական արժեք ունի, և իրենք երկար ժամանակ որոնում էին այն պատշաճ կերպով ներկայացնելու լավագույն տարբերակը:
Թուրքական «Հյուրիյեթ» թերթի տեղեկացմամբ՝ Սթրոն ընդգծել է, որ նոյեմբերի 18-23 կայանալիք «Շնորհակալություն ԱՄՆ-ին. 3 նվեր, որոնք հանձնվել են նախագահներին՝ ի նշան երախտագիտության արտերկրում ամերիկյան մեծահոգության hամար» խորագրով ցուցահանդեսում ընդգրկված 3 ցուցանմուշն էլ մշակութային արժեք ունեն:
Հիշեցնենք, որ Սպիտակ տունը որոշել է նոյեմբերի
18-23-ը հայ որբերի գործած գորգը ցուցադրել նախագահական նստավայրի այցելուների սրահում: Թուրքական մամուլը Սպիտակ տան այդօրինակ քայլը
մեկնաբանվել է որպես Թուրքիային հասցեագրված ուղերձ: Որպես այս տեսակետի հիմնավորում, նշվում է, որ հայ որբերի գորգը Հայոց ցեղասպանության խորհրդանիշ է դարձել, և դրա ցուցադրմանը բազմիցս խոչընդոտել է հենց Սպիտակ Տունը՝ հրաժարվելով այն հանել իր պահեստից:
Ermenihaber.am
Այս ենթաբաժնի վերջին նորությունները
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |