ERMENI HABER AJANSI

Թուրքիայի Հանրապետության նախագահական ընտրությունները արտասահմանաբնակ թուրքերի համար մեկնարկում են հուլիսի 31-ին և ավարտվելու են օգոստոսի 3-ին: Երկրի «Բարձրագույն ընտրական խորհրդի» սահմանած ժամանակացույցի համաձայն` 4 օրում պետք է կազմակերպվի աշխարհի տարբեր երկրներում բնակվող Թուրքիայի քաղաքացիների քվեարկությունը:

Ըստ այդմ` Գերմանիայում, ԱՄՆ-ում, Դանիայում, Ֆրանսիայում, Լիբանանում, Հոլանդիայում, Իսրայելում, Շվեյցարիայում, Իտալիայում, «Հյուսիսային Կիպրոսի Թուրքական Հանրապետությունում», Նորվեգիայում, Ռումինիայում, Սաուդյան Արաբիայում և Թուրքմենստանում քվեարկությունն անցկացվել է հուլիսի 31-ից  մինչև օգոստոսի 3-ը:

Կանադայում, Ավստրալիայում և Ռուսաստանում ընտրությունները կկազմակերպվեն հուլիսի 31-ից մինչև օգոտսոսի 2-ն ընկած ժամանակահատվածում:

Բուլղարիայում, Ղազախստանում քվեարկությունը կիրականացվի օգոստոսի 1-3-ը: Ավստրիայում, Հունաստանում, Ալժիրում, Մեծ Բրիտանիայում, Շվեդիայում, Ճապոնիայում, Քաթարում, Ղըրղըզստանում, Հունգարիայում և Մակեդոնիայում քվեարկությունը նախատեսվում է անցկացնել օգոստոսի 2-ին և 3-ին, Չինաստանում` հուլիսի 31-ին, Արաբական Միացյալ Էմիրություններում` օգոստոսի 2-ին, Ալբանիայում, Ադրբեջանում, Բահրեյնում, Բոսնիայում, Չեխիայում, Ֆինլանդիայում, Հարավաֆրիկյան Հանրապետությունում, Վրաստանում, Իրանում, Իսպանիայում, Կոսովոյում, Քուվեյթում, Եգիպտոսում, Ուզբեկստանում, Լեհաստանում, Սուդանում, Թունիսում, Ուկրաիանոյւ, Հորդանանում և Նոր Զելանդիայում` օգոստոսի 3-ին:

Հիշեցնենք, որ օգոստոսի 10-ին Թուրքիայում անցկացվելու են նախագահական ընտրությունները: Առաջադրված թեկնածուները երեքն են.

1. Ռեջեփ Թայիփ Էրդողան

Թուրքիայի վարչապետ, իշխող «Արդարություն և զարգացում» կուսակցության ղեկավար

2. Էքմելեդդին Իհսանօղլու

Խոշոր ընդդիմադիր ուժերի առաջադրած միասնական թեկնածու

3. Սելահաթթին Դեմիրթաշ

«Ժողովուրդների դեմոկրատական» կուսակցության համանախագահ

Ermenihaber.am