Ալմելոյի Հայոց ցեղասպանության հուշարձանը բողոքի ալիք է բարձրացրել թուրքերի շրջանում

Միջազգային13:10, 19 Մայիս 2014

Ալմելոյի Հայոց ցեղասպանության հուշարձանը բողոքի ալիք է բարձրացրել թուրքերի շրջանում

Այս տարի ապրիլին Հոլանդիայի Ալմելո քաղաքի հայկական եկեղեցու բակում Հայոց ցեղասպանության զոհերին նվիրված հուշարձան էր բացվել, որը բողոքի ալիք էր բարձրացրել Հոլանդիայի թուրքերի և ադրբեջանցիների շրջանում:

Թուրքական հասարակական կազմակերպությունները պատրաստվում են բողոքի ակցիա կազմակերպել և բոլոր թուրքերին կոչ են արել մասնակցել այդ ցույցին:

Բողոքի ակցիայի կազմակերպչական հանձնաժողովի անդամներ Զեքերյա Աչքալմազը, Իլհան Աշքընը, Սաադեթ Քորալը, Էրիմ Ուղուրլուն, Դուրմուշ Դողանը, Նիհաթ Քոչաքը և այլք թուրքական հասարակական կազմակերպությունների անունից մամուլի հաղորդագրություն են տարածել:

Հաղորդագրության մեջ նշվում է, որ հուշարձանի վրա ցեղասպանության մասին ցուցանակ պետք է փակցվեր, սակայն իրենց բողոքի ցույցերի արդյունքում այդ որոշումը դեռևս առկախվել է: Նշվում է նաև, որ տարածքը որտեղ կանգնեցվել է հուշարձանը, բաց է լինելու այցելությունների համար:

Թուրքերի կարծիքով՝ ժամանակի ընթացքում Հոլանդիայի ժողովուրդը, որի մոտ գերիշխող կդառնա տեսակետը, թե թուրքերի նախնիները հայերին ցեղասպանության են ենթարկել, տեղում բնակվող թուրքերին, նրանց երեխաներին և թոռներին իրենցից օտարելով մարդասպան կհամարեն: Ինչն էլ խտրականության, ճնշումների և ատելության ձևավորման պատճառ կարող է դառնալ:
Հաղորդագրությունն ավատվում է հունիսի 1-ին Ալմելոյում կայանալիք բողոքի ակցիային մասնակցելու կոչով՝ ուղղված Հոլանդիայում բնակվող բոլոր թուրքերին:

Ermenihaber.am

Այս ենթաբաժնի վերջին նորությունները

16:41, 12 սեպ

Ռուսաստանի դեմ ճապոնական պատժամիջոցների ցանկում կա 2 ընկերություն Թուրքիայից

Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։

15:17, 12 սեպ

Իսրայելի պաշտոնաթող գնդապետ. «Հաջորդը կարող է լինել Թուրքիան»

Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։

12:53, 10 սեպ

Թուրքիան անհանգստացած է Տրիպոլիի շրջանում Եգիպտոսի գործողություններից

Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Սերդար Քըլըչն Ալիջանի սահմանային անցակետով կայցելի Հայաստան

Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։