Կիպրոսի հայկական եկեղեցում 50 տարի ընդմիջումից հետո պատարագ է մատուցվել

Միջազգային07:33, 12 Մայիս 2014

Կիպրոսի հայկական եկեղեցում 50 տարի ընդմիջումից հետո պատարագ է մատուցվել

Կիպրոսի թուրքաբնակ հատվածում գտնվող հայկական եկեղեցում 50 տարի ընդմիջումից հետո պատարագ է մատուցվել: Թուրքական «Դունյա բուլթենի» լրատվական կայքը հայտնում է, որ հայերը պատարագին մասնակցելու համար կղզու հունական հատվածից անցել են մայրաքաղաք Նիկոսիայի թուրքաբնակ հատված:

Արքեպիսկոպոս Վարուժան Հերգելյանի կողմից մատուցված պատարագին մասնակցել է շուրջ 500 մարդ, այդ թվում նաև Կիպրոսում ՄԱԿ-ի գլխավոր քարտուղարի հատուկ ներկայացուցիչ Լիզա Բաթենհեյմը, դեսպաններ, իմամ Շևքեթ Ալեմդարը:

Պատարագին մասնակցած Գորա Թերզյանը նշել է, որ նմանատիպ նախաձեռնությունները ներդրում կունենան կղզում խաղաղության հաստատման գործընթացում:

Թուրքական աղբյուրի տեղեկացմամբ՝ հայկական եկեղեցին հայերին էր հանձնվել օսմանյան շրջանում, իսկ 1964 թվականին լքվել էր հայերի կողմից: Այդ թվականից հետո խարխլված եկեղեցին 2010 թվականին վերանորոգվել էր:

Ermenihaber.am

Այս ենթաբաժնի վերջին նորությունները

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: