Ամերիկյան զեկույց. «Թուրքիայի իշխող կուսակցությունն այլևս անպարտելի չէ»

Քաղաքական07:56, 01 Նոյեմբեր 2013

Ամերիկյան զեկույց. «Թուրքիայի իշխող կուսակցությունն այլևս անպարտելի չէ»

Վաշինգտոնում գործող քաղաքական հետազոտությունների անկախ կենտրոն «Հռետորաբանությունից իրականություն. ԱՄՆ թուրքական քաղաքականության վերաձևակերպում» վերնագրով 72 էջից բաղկացած համապարփակ զեկույց է հրապարակել: Զեկույցում կարևոր նշանակություն է տրվում Թուրքիայի նկատմամբ ԱՄՆ վերաբերմունքի փոփոխությանը:

Ըստ թուրքական «Հաբեր ա» լրատվական կայքի՝ զեկույցի կարևորությունը այն է , որ հետազոտական կենտրոնի զեկույցում տեղ են գտել նաև Թուրքիայում ԱՄՆ նախկին դեսպաններ Մորթոն Աբրամովիչի և Էրիկ Էդելմանի դիտարկումները:

Զեկույցը ուշադրություն է հրավիրում այն հանգամանքի վրա, որ Թուրքիան Մերձավոր Արևելքում տեղի ունեցող դեպքերի վրա ազդելու շատ քիչ քաղաքական ուժ և լծակներ ունի: Ըստ զեկույցի՝ Թուրքիան, արտաքին քաղաքականության «զրո խնդիր հարևանների հետ» սկզբունքին հետևելով, ավելի շատ խնդիրներ է ստեղծել և որպես օրինակներ նշվում են Սիրիայի հարցում Ասադի դեմ որդեգրած քաղաքականությունը, Եգիպտոսի ռամզական իշխանությունը չճանաչելը, Իսրայելի հետ դիվանագիտական հարաբերությունների խզումը, Սիրիայի ապստամբներին օգնություն ցուցաբերելով հարաբերությունների սրումը Իրանի հետ, անհիմն մեղադրանքներով Եվրոպային իրենից հեռացնելը և այլն:

Իսկ իշխող «Արդարություն և զարգացում» կուսակցության վերաբերյալ նշվում է, որ այն այլևս անպարտելի չէ: 18 ամսիների ընթացքում իրար հաջրոդող 3 ընտրությունները շրջադարձային իրավիճակ կստեղծեն Թուրքիայում: Այս իրավիճակում ԱԶԿ-ն Մերձավոր Արևելքի իրադարձությունների վրա ազդելու շատ քիչ քաղաքական լծակներ ունի: Նշվում է նաև, որ ԱԶԿ-ն խնդիրները լուծելու համար փոխզիջումների և համագործակցության փոխարեն նախնտրում է կրոնական մոլեռանդությունը և հռետորաբանությունը: Որպես հռետորաբանության օրինակ նշվում է Գեզի զբոսայգու համար բողոքողների նկատմամբ ոստիկանության կիրառած անհամաչափ ուժը և ճնշումները, որոնք կատարվել էին իշխանությունների հրամանով:

Ermenihaber.am

Այս ենթաբաժնի վերջին նորությունները

13:39, 04 հուլ

Թուրքիայի ԱԳՆ. «Թուրքմենները պատշաճ կերպով պիտի ներկայացված լինեն Իրաքի քաղաքականության մեջ»

Թուրքիայի արտաքին գործերի նախարարության մամուլի խոսնակն անդրադարձել է Իրաքի Քիրքուկ քաղաքում տեղի ունեցող զարգացումներին։

11:41, 04 հուլ

Պատրիարք Մաշալյան. «Եթե Ստամբուլում լինեի, կընդունեի Փաշինյանին և կհայտնեի իմ առարկությունները»

Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:

10:48, 04 հուլ

Էրդողանը մեկնել է Ստեփանակերտ

Թուրքիայի գլխավորած պատվիրակությունը մասնակցելու է «Տնտեսական համագործակցության կազմակերպության» 17-րդ գագաթնաժողովին:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Անիի Մայր տաճարը վերանորոգումից հետո կգործի որպես թուրքական մզկիթ

Բացարձակապես չի նշվում, որ միջնադարյան այդ քաղաքն ու եկեղեցին հայկական են։

Պատրիարք Մաշալյան. «Եթե Ստամբուլում լինեի, կընդունեի Փաշինյանին և կհայտնեի իմ առարկությունները»

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։

Էրդողանը մեկնել է Ստեփանակերտ