Քաղաքական08:08, 11 Հոկտեմբեր 2013
Դավութօղլուն արձանագրությունների ձախողումը պատճառաբանել է ՀՀ Սահմանադրական դատարանի կայացրած որոշումով
Աշխատանքային այցով Շվեյցրիայի մայրաքաղաք Բեռնում գտնվող Թուրքիայի
արտգործնախարար Ահմեթ Դավութօղլուն շվեյցարացի իր պաշտոնակցի հետ հանդիպելուց հետո
թուրքական դեսպանատանն ընդունել է լրատվամիջոցների ներկայացուցիչներին:
Դավութօղլուն նշել է, որ վերջին ժամանակներում նկատվում է թուրք-շվեյցարական հարաբերությունների արագ զարգացում: Տեղեկացրել է, որ Շվեյցարիայի արտգործնախարարի հետ հանգամանորեն քննարկել են երկկողմ հարաբերություններին առնչվող հարցերի լայն շրջանակ:
Դավութօղլուն նաև անդրադարձել է հայ-թուրքական հարաբերությունների կարգավորման թեմային և դրա մեջ Շվեյցարիայի ունեցած կարևոր դերակատարմանը:
«Մենք կարևորում ենք Հայաստան-Թուրքիա հարաբերությունների կարգավորումը: Բայց
որպեսզի այդ կարգավորումը հաստատուն լինի, անհրաժեշտ է, որ հարավկովկասյան
հիմնախնդիրներից գլխավորը` ղարաբաղյան հիմնախնդիրը, լուծվի»,- շեշտել է Դավութօղլուն`
հերթական անգամ կրկնելով, որ հայերը պետք է վերջ դնեն ադրբեջանական հողերի «օկուպացիային»:
Թուրքիայի արտգործնախարարը հիշեցրել է նաև 4 տարի առաջ Ցյուրիխում ստորագրված հայ-թուրքական արձանագրությունների մասին` երախտագիտություն հայտնելով Շվեյցարիային այդ հարցում գործադրած ջանքերի համար:
Արձանագրությունների ձախողումը Դավութօղլուն պատճառաբանել է ՀՀ Սահմանադրական դատարանի կայացրած որոշումով և տարածաշրջանում այդ ժամանակ ստեղծված իրադրության լարվածությամբ:
«Այնուամենայնիվ, հուսով ենք, որ այս ամենը օրակարգից ամբողջությամբ դուրս չի եկել: Առաջիկայում մենք ավելացնելու ենք մեր աշխատանքներն այդ ուղղությամբ»,- նշել է Դավութօղլուն` շեշտելով, որ Հայաստան-Թուրքիա հարաբերությունները պետք է կարգավորվեն Հայաստան-Ադրբեջան հարաբերություններին զուգահեռ:
Հիշեցնենք, որ հայ-թուրքական հարաբերությունների կարգավորման մասին արձանագրությունները ստորագրվել են 2009 թ. հոկտեմբերի 10-ին Ցյուրիխում Հայաստանի և Թուրքիայի արտգործնախարարներ Էդվարդ Նալբանդյանի և Ահմեթ Դավութօղլի կողմից: Արձանագրությունները ենթադրում էին, որ երկու երկրների միջև պետք է հաստատվեն դիվանագիտական հարաբերություններ ու բացվեր1993-ին փակված հայ-թուրքական սահմանը: 2010 թ. հունվարի 12-ին Հայաստանի Սահմանադրական դատարանը կայացրեց որոշում, ըստ որի, նշյալ արձանագրությունները ճանաչվեցին ՀՀ Սահմանադրությանը համապատասխան: Բայց միևնույն ժամանակ ՍԴ-ի որոշման մեջ ասվում է, որ Հայաստանի իշխանությունները չեն կարող արձանագրությունները մեկնաբանել Անկախության հռչակագրում նշված «Օսմանյան Թուրքիայում և Արևմտյան Հայաստանում իրագործված ցեղասպանությանը» հակասող կերպով: Սա առաջ բերեց Անկարայի դժգոհությունը: Թուրքիայի խորհրդարանը պատճառաբանելով ՍԴ-ի որոշումը և ղարաբաղյան խնդիրը օրակարգից հանեց արձանագրությունները: Իսկ 2010 թվականի ապրիլին Հայաստանի նախագահ Սերժ Սարգսյանը հայտարարեց, որ Հայաստանը առկախում է արձանագրությունների վավերացման գործընթացը, քանի որ թուրքական կողմը փորձում է նախապայմաններ առաջ քաշել։
Այս ենթաբաժնի վերջին նորությունները
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Ընդդիմադիր կուսակցապետը իշխող «Արդարություն և զարգացում կուսակցությանը» անվանել է «համակարգված չարիքի կազմակերպություն»:
Օրակարգում է եղել ռազմարդյունաբերական համագործակցությունն ու Գազայում տիրող իրավիճակը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Մեկնարկում է 2025-2026թթ․ արևմտահայերենի ուսումնառության ծրագրի 1-ին փուլը։ Դասընթացները սկսվելու են սեպտեմբերի 22-ին և տևելու՝ 18 շաբաթ։
Թուրքիայի փոխնախագահը նշել է, որ ադրբեջանական նավթագազային ընկերությունը երկրում ամենաշատ ներդրումներ կատարած օտարերկրյա ընկերությունն է։
ԱՄՆ Պետդեպի կողմից օգոստոսի 20-ին հրապարակված նամակում նշվել է, որ ԱՄՆ կառավարության բացասական դիրքորոշումը պահպանվում է:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |