Ալեքսան Քյոշքերյան. «Որպես սոցիալիստներ` մեզ համար առաջնային են մարդկու իրավունքները»

Հարցազրույց11:03, 02 Հուլիս 2013

Ալեքսան Քյոշքերյան. «Որպես սոցիալիստներ` մեզ համար առաջնային են մարդկու իրավունքները»

Թուրքական «Սի Էն Էն թուրք» լրատվականի թղթակիցը հարցազրույց է անցկացրել Լիբանանի «Սոցիալ-դեմոկրատական հնչակյան կուսակցության» նախագահ Ալեքսան Քյոշքերյանի հետ: Հարցազրույցի ժամանակ Քյոշքերյանը խոսել է Հայոց ցեղասպանության, փոխհատուցման, հնչակյան կուսակցության պատմության, ինչպես նաև Սիրիայի դեպքերի պատճառով դժվար կացության մեջ հայտնված սիրիահայության դրության մասին:

Սիրիահայերի վերաբերյալ հատվածը ներկայացվում է ստորև.

-Ճգնաժամային իրավիճակում է նաև Սիրիան: Լիբանանը Հայաստանից հետո 2-րդ երկիրն է, որտեղ ապաստան են գտնում սիրիահայերը: Այս պատերազմին Հնչակյան կուսակցությունը ինչպե՞ս է վերաբերում:

-Մենք կողմ ենք, որ սիրիական հարցը խաղաղ ճանապարհով լուծում ստանա: Զենքով որևէ խնդիր չի լուծվի: Ի վերջո, խնդիրը հարթվելու է և նոր շրջան է սկսվելու: Մենք կողմ կլինենք յուրաքանչյուր որոշման, որը կցանկանա Սիրիայի ժողովուրդը:

-Ինչպիսի՞ աշխատանքներ եք տանում Լիբանան ներգաղթող ձեր հայրենակիցների հետ:

-Լիբանանի հայկական եկեղեցին, միությունները և կուսակցություններն օգնում են սիրիացի մեր ազգակիցներին: Հայաստանում մեր կուսակցության կողմից բացված դպրոցում 300-ից ավելի սիրիահայ երեխաներ ուսում են ստանում, որպեսզի ուսումնական տարվանից հետ չընկնեն: Ուսումը համապատասխանում է սիրիական ուսումնական ծրագրին և կատարվում է անվճար հիմունքներով: Նույնը կիրառվում է Լիբանանում մեր կուսակցությանը պատկանող դպրոցներում:

-Դուք օգնության ձեռք միայն հայերին ե՞ք մեկնում: Ի վերջո, Հնչակյան կուսակցությունը հիմնվել է սոցիալիստական գաղափարների վրա:

- Մենք օգնություն ցուցաբերելիս խտրականություն չենք դնում: Սիրիայից ներգաղթած հայն էլ, ասորին էլ, արաբն էլ, քուրդն էլ նույնն են: Որպես սոցիալիստներ` մեզ համար առաջնային են մարդու իրավունքները:

Աղբյուր` Ermenihaber.am