Հարցազրույց08:08, 23 Մարտ 2013
Հարութ Սասունյան. «Ողջունում և կարևորում եմ Ermenihaber.am-ի աշխատանքը»
Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի կազմակերպած միջազգային գիտաժողովին (մարտի 22-23) մասնակցում է «Կալիֆորնիա Կուրիեր» թերթի խմբագիր և հրատարակիչ Հարութ Սասունյանը: «Հայոց ցեղասպանություն. մարտահրավերները հարյուրամյակի նախաշեմին» խորագրով գիտաժողովին նա ներկայացրել է «Ցեղասպանության ճանաչում թե° արդարության հետապնդում» զեկույցը:
«Ermenihaber.am»-ի հետ զրույցում Հարութ Սասունյանը ողջունեց և կարևորեց թուրքերեն և հայերեն լեզուներով լրատվություն ապահովող կայքի գործունեությունը:
«Շատ կարևոր է ինտերնետ տիրույթում
ունենալ այսպիսի կայք, որը թուրքական լսարանին կարողանում է իրազեկել այն մասին,
ինչից որ իրենք տեղյակ չեն»:
Գիտաժողովի մասին խոսելիս Հարութ Սասունյանը նշեց, որ այն ավելի արդյունավետ կլիներ, եթե համադրվեին տարբեր մասնագետների պատրաստած արդյունքներն ու եզրակացությունները: Մինչդեռ այժմ տարբեր ոլորտի մասնագետներ խոսում են տարբեր ուղղություններով ու շեշտադրումներով, ինչը մեկ գիտաժողովի ընթացքում հնարավոր չէ ի մի բերել:
«Կալիֆորնիա Կուրիեր» թերթի խմբագիրը կարևորում է պայքարի իրավական ճանապարհը: Նրա համոզմամբ` պետք է տարբեր երկրների դատարաններում և միջազգային դատարաններում բարձրացվի հայոց պահանջատիրության հարցը:
«Մենք շատ լուրջ անելիքներ ունենք: Ուշ ենք մնում,- նկատում է Հարութ Սասունյանը: - Իրավագիտության մասնագետները պետք է հավաքվեն և դատական միջոցներով պաշտպանեն մեր իրավունքները: Ցանկալի է որ ամեն ինչ նախապատրաստվի համընդհանուր կերպով թե պետության, թե կուսակցությունների և թե կազմակերպությունների, շուրջ: Հարկավոր է ունենալ միասնական դիրքորոշում, ոչ թե ամեն մարդ ինքնագլուխ մի հայց ներկայացնի այս կամ այն դատական ատյան: Այդպես սխալ կլինի, որովհետև եթե որևէ մեկն անհատական հայց ներկայացնի դատարան ու պարտվի, դա բացասական կազդի ամբողջ հայության պահանջատիրության վրա: Թուրքերը պիտի շահագործեն այդ ձախողումը` ասելով, թե տեսեք հայերը իրավունք չունեն` ըստ դատարանի որոշման:
Այդ ամենին զուգահեռ Հարութ Սասունյանը անհրաժեշտ է համարում աշխատանքների շարունակականությունը հենց թուրք ժողովրդի հետ, պատմական փաստերի մասին նրանց իրազեկելը:
«Ինչպես ասում են, բերդը ներսից գրավենք, ոչ թե դրսից: Թուրքիայի ներսում
կատարելիք շատ աշխատանքներ ունենք: Այդ ուղղությամբ պետք է համախմբվեն Հայաստանի
և Սփյուռքի ուժերը, իսկ որպես կազմակերպիչ
օրգան տեսնում եմ հարյուրամյակի միջոցառումենրի պետական հանձնաժողովին»,- ընդգծել
է Հարութ Սասունյանը:
Ermenihaber.am
Այս ենթաբաժնի վերջին նորությունները
Նշենք, որ 2009-2015-ին Երխովը եղել է Ստամբուլում Ռուսաստանի գլխավոր հյուպատոս, իսկ Թուրքիայում ՌԴ դեսպան է նշանակվել 2017-ի հունիսի 19-ին։
Թուրքիայում անազատության մեջ գտնվող իրավապաշտպան և հասարակական գործիչն անդրադարձել է Թուրքիա-Հայաստան կարգավորման գործընթացին և Անիի կամրջի վերականգնմանը։
Տարածաշրջանային հարցերի փորձագետ Վահրամ Հովհաննիսյանը հարցազրույց է տվել Ermenihaber.am կայքին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հանդիպմանը կողմերն անդրադարձել են նաև տարածաշրջանային հարցերի։
Քրդամետ կուսակցության համանախագահը դատապարտել է 1955թ․ սեպտեմբերի 6-7-ին Թուրքիայում ոչ մուսուլմանների նկատմամբ իրականացված ջարդերը։
Թուրքիայի նախագահ. «Մենք կատեգորիկ թույլ չենք տա, որ խաթարվեն մեր փողոցները»։
Թուրքիայում ազատազրկված անձանց թիվը ներկա դրությամբ հասնում է 362.000-ի։
Դա Թուրքիայում հանրային լայն քննարկումների առիրթ է դարձել։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |