Ցեղասպանություն07:00, 25 Ապրիլ 2017
Թուրքիայի ԱԳՆ-ն ԱՄՆ նախագահի ելույթը քննադատող հայտարարություն է տարածել
Թուրքիայի արտգործնախարարությունը բողոքել է ԱՄՆ նախագահ Դոնալդ Թրամփի ապրիլքսանչորսյան ելույթում օգտագործված ձևակերպումների և արտահայտությունների դեմ, թեև, ինչպես հայտնի է, Թրամփը չի խախտել նախորդ նախագահների ձևավորած ավանդույթը և չի օգտագործել Ցեղասպանություն եզրույթը:
Թուրքական «Timeturk.com» լրատվակայքի տեղեկացմամբ՝ Թուրքիայի ԱԳՆ-ի հայտարարության մեջ մասնավորապես այն տեսակետն է արտահայտվել, թե Հայոց ցեղասպանության 102-րդ տարելիցի առթիվ հրապարակված ԱՄՆ նախագահի ելույթը չափազանց հայամետ է ու միակողմանի, ինչը, ըստ թուրքական կողմի, պայմանավորված է հայկական համայնքի տարիներ շարունակ վարած քարոզչական գործունեությամբ: Թուրքիան կոչ է արել ԱՄՆ-ի կառավարությանը՝ «հարգել երկու կողմերի կրած տառապանքները» և հիշեցրել, որ Ստամբուլի Հայոց պատրիարքարանում այս տարի ևս հարգանքի տուրք է մատուցվել «Առաջին աշխարհամարտի ընթացքում զոհված հայերի» հիշատակին:
«Նախագահ Ռեջեփ Թայիփ Էրդողանի՝ այդ արարողության առթիվ հրապարակած հայտարարությունը արտացոլում է այս հարցում Թուրքիայի դիրքորոշումը», -ասված է ԱԳՆ հայտարարության մեջ:
Հիշեցնենք, որ ԱՄՆ նախագահ Դոնալդ Թրամփը Հայոց ցեղասպանության 102-րդ տարելիցի՝ ապրիլի 24-ի առթիվ հրապարակել էր հետևյալ գրավոր հայտարարությունը:
«Այսօր մենք հիշում և հարգում ենք նրանց հիշատակը, ովքեր տառապել են Մեծ Եղեռնի՝ 20-րդ դարի վատթարագույն զանգվածային վայրագությունների ժամանակ: Օսմանյան կայսրության գոյության վերջին տարիներին՝ 1915 թվականից սկսած, մեկ և կես միլիոն հայեր արտաքսվեցին, կոտորվեցին և իրենց մահը գտան գաղթի ճանապարհին: Ես միանում եմ Ամերիկայի հայ համայնքին և համայն աշխարհի հայությանը՝ սգալով անմեղ զոհերի հիշատակը և շատ ու շատ ուրիշների տառապանքները:
Մարդկային պատմության այս մութ էջերը վերագնահատելով՝ մենք նաև ողջունում ենք հայ ժողովրդի կենսունակությունը: Նրանցից շատերը նոր կյանք կառուցեցին Միացյալ Նահանգներում և անուրանալի նպաստ բերեցին մեր երկրին, միևնույն ժամանակ փայփայելով հիշողություններ իրենց պատմական հայրենիքի մասին, որտեղ իրենց նախապապերը ստեղծել էին անտիկ դարերի մեծ քաղաքակրթություններից մեկը:
Մենք պետք է հիշենք վայրագությունները, որպեսզի թույլ չտանք դրանց կրկնությունը: Մենք ողջունում ենք ցավալի անցյալի փաստերն ընդունելու ու դրանց հետ հաշվի նստելու ջանքերը, որ ձեռնարկվում են հայերի ու թուրքերի կողմից՝ որպես առավել արդարացի ու հանդուրժողական ապագայի համար հիմքեր նախապատրաստելու հույժ կարևոր քայլ»:
Այս ենթաբաժնի վերջին նորությունները
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օդանավակայանն ունի 3000մ երկարությամբ և 60մ լայնությամբ թռիչքուղի, ինչպես նաև տերմինալ, որը կարող է սպասարկել ժամում 200 ուղևորի։
Իբրահիմ Քալընը «Զարգացող մշակույթ և կլիմա» թեմայով դասախոսություն է կարդացել Իբն Հալդունի համալսարանում։
Չեղարկվել են նաև հնդիկ միլիարդատերերի՝ Թուրքիայում կայանալիք շքեղ հարսանիքների նախապատրաստական աշխատանքները։
Թուրքիան դեռևս չի վավերացրել ՄԱԿ-ի Զենքի վաճառքի համաձայնագիրը, ինչը նրան ազատում է այս ոլորտի վերահսկումից:
Հանդիպման ընթացքում կողմերը քննարկել են երկկողմ հարաբերությունները, խորհրդակցություններ են անցկացրել տնտեսական համագործակցությունը խորացնելու ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |