Միջազգային06:32, 21 Փետրվար 2017
ԵՄ-ում ԱՄՆ-ի դեսպանի թեկնածուն անդրադարձել է Գյուլենի արտահանձնման հարցին
Եվրամիությունում (ԵՄ) ԱՄՆ-ի դեսպանի թեկնածու Թեդ Մալոկը թուրքական «NTV» հեռուստալիքի հետ զրույցում խոսել է իսլամի քարոզիչ, ամերիկաբնակ միլիարդատեր Ֆեթթուլահ Գյուլենի արտահանձման և գյուլենական համայնքի մասին:
Ըստ թուրքական «Haberler» լրատվամիջոցի` Մալոկը նշել է, որ Գյուլենի արտահանձման հարցով այդպես էլ անհրաժեշտ քայլեր չձեռնարկվեցին նախկին նախագահ Օբամայի իշխանության ժամանակ:
«Մեղադրանքներ եղան, ըստ որոնց, Հիլարի Քլինթոնի հիմնադրամը կապեր ուներ այդ կազմակերպության (գյուլենական համայնքի-խմբ) հետ: Սակայն կարծում եմ Թրամփի նախագահության ժամանակ Ֆեթթուլահ Գյուլենը կարող է արտահանձնվել: Ըստ իս` Թուրքիայի կառավարության կողմից այդ հարցով արված պահանջը պետք է կրկնվի`այս անգամ արդեն Թրամփի վարչակազմին»:
Ամերիկացի պաշտոնյան ընդգծել է, որ ԱՄՆ-ն լիովին տիրապետում է Թուրքիայում ռազմական հեղաշրջման փորձի հետ կապված տեղեկատվությանը:
Հիշեցնենք, որ թուրքական իշխանությունները Գյուլենին մեղադրում են 2016թ. հուլիսի 15-ին տեղի ունեցած ռազմական հեղաշրջման փորձի կազմակերպման մեջ և պահանջում նրա արտահանձնումը: Գյուլենի արտահանձման հարցը քննարկվել էր նաև Մյունխենի Անվտանգության կոնֆերանսի շրջանակներում Թուրքիայի վարչապետի և ԱՄՆ-ի փոխնախագահ Մայք Փենսի միջև կայացած հանդիպման ժամանակ:
Այս ենթաբաժնի վերջին նորությունները
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Իրանի և Իսրայելի ֆոնդային բորսաներում ևս զգալի անկում է նկատվում։
Մայիսի 19-ին Թուրքիայից, Սիրիայից և Հորդանանից բաղկացած համակարգող ստորաբաժանումները սկսել են իրենց ծառայությունը Սիրիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հոդվածում նշվում է, որ Թուրքիան և Ադրբեջանը ցամաքով իրար կապող միջանցքի թեման կրկին օրակարգում է։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Թուրքիայի նախագահը նշել է, որ Անկարան պատրաստ է ցուցաբերել ցանկացած աջակցություն, այդ թվում՝ միջնորդություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |