Էրդողանը Թրամփի հետ քննարկել է Իսրայել-Իրան առճակատումը

Քաղաքական10:18, 16 Հունիս 2025

Էրդողանը Թրամփի հետ քննարկել է Իսրայել-Իրան առճակատումը

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ԱՄՆ նախագահ Դոնալդ Թրամփի հետ։ Զրույցի ընթացքում քննարկվել են երկկողմ և տարածաշրջանային հարցեր, մասնավորապես Իսրայելի և Իրանի միջև տեղի ունեցող վերջին զարգացումները։

Թուրքիայի նախագահականի հանրային կապերի վարչության տարածած հայտարարության համաձայն՝ զրույցի ընթացքում Էրդողանը հայտնել է, որ գոհունակությամբ է ընդունում նախագահ Թրամփի վերջին հայտարարությունները, որոնք միտված են Իսրայելի և Իրանի միջև բախումների դադարեցմանը և տարածաշրջանում խաղաղության հաստատմանը։

Նա շեշտել է, որ անհրաժեշտ է անհապաղ քայլեր ձեռնարկել՝ կանխելու մի աղետ, որը կարող է ողջ տարածաշրջանը կրակի մեջ առնել։

Էրդողանը նշել է, որ միջուկային վեճի կարգավորման միակ ուղին դիվանագիտական ճանապարհն է, և Թուրքիան պատրաստ է ցուցաբերել ցանկացած աջակցություն, այդ թվում՝ միջնորդություն։

Էրդողանը նաև ընդգծել է, որ Իրանի նկատմամբ Իսրայելի հարձակումներով սկսված բռնության շղթան/ պարույրը երկու կողմերի համար էլ առաջ է բերում անդառնալի տնտեսական ու քաղաքացիական վնասներ, և որ այս վտանգավոր զարգացումները պետք է անհապաղ կասեցվեն։

Աղբյուր` Ermenihaber.am

Այս ենթաբաժնի վերջին նորությունները

17:45, 12 սեպ

Ի՞նչ պայմանավորվածություններ են ձեռք բերել Ռուբինյաննն ու Քըլըչը

Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։

15:46, 12 սեպ

Սերդար Քըլըչ. «Շնորհակալություն ջերմ ընդունելության համար»

Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: