Հասարակական07:49, 17 Փետրվար 2017
Պոլսո հայոց պատրիարքի ընտրության նախնական օր է նշանակվել 2017 թվականի մայիսի 28-ը
Պոլսի պատրիարքության հոգևոր խորհրդի նախագահ եպիսկոպոս Սահակ Մաշալյանի հրաժարականից հետո պատրիարքի ընտրության շուրջ համայնքում սկսված քաոսը կարգավորման միտումներ է ցույց տալիս:
Փետրվարի 16-ին Ստամբուլի Գումգափը թաղամասում գտնվող Պոլսի հայոց պատրիարքարանում վիճաբանություններով ու ծեծկռտուքով ուղեկցված ժողովների արդյունքում համայնքի ներկայացուցիչների կողմից ընտրական արձանագրություն է ստորագրվել: Ստորագրված արձանագրությամբ պատրիարքի ընտրության նախնական օր է նշանակվել 2017 թվականի մայիսի 28-ը: Արձանագրության տակ ստորագրել են համայնքի 13 ներկայացուցիչ, որոնց թվում են պատրիարքական ընդհանուր փոխանորդ Արամ Աթեշյանը, եպիսկոպոս Սահակ Մաշալյանը, Տիգրան Գյուլմեզգիլը, Էրոլ Էրգանը, Մելքոն Քարաքյոսեն, Հայկ Ասլանյանը, Վազգեն Բարընը, Գեվորգ Օքչուն և այլոք:
Հայկական «Ակոս» թերթը հրապարակել է արձանագրության տեքստը, որի հայերեն տարբերակը ներկայացնում ենք ստորև.
«Պատրիարքի ընտրության հետ կապված վերջին զարգացումները մեր համայնքում անկանխատեսելի հետևանքներով լի պայթյունավտանգ մթնոլորտ է ստեղծում: Հարգարժան արքեպիսկոպոս Արամը և եպիսկոպոս Սահակը համայնքի առաջադեմ ներկայացուցիչների հետ միասին հանդիպել և ստորագրել են մի արձանագրություն, որը համայնքում խաղաղություն կապահովվի մինև պատրիարքի ընտրությունները:
1. Անմիջապես պետք է տեղապահի ընտրություն անցկացվի: Պետք է ունենանք հարգարժան տեղապահ:
2. Փետրվարի 18-ին տեղապահի կողմից հրավիրված հոգևոր խորհուրդը և համայնքի ներկայացուցիչները պետք է ընտրեն 15 հոգանոց նախաձեռնող խումբ: Նրանցից 2-ը պետք է հոգևորական լինեն:
3. Փետրվարի 20-ին տեղապահը և նախաձեռնող խումբը միասին պետք է գրեն համապատասխան դիմում և ներկայացնեն նահանգապետարան:
4. Մինչև ընտրությունները Արամ սրբազանը պետք է շարունակի պաշտոնավարումը որպես ընդհանուր փոխանորդ, սակայն ընտրական գործընթացի հետ որևէ կապ չպետք է ունենա և չպետք է միջամտի դրանց:
5. 2017-ի մայիսի 28-ը ընտրությունների ենթադրայալ ամսաթիվն է»:
Այս ենթաբաժնի վերջին նորությունները
Անվտանգության տեսախցիկներն արձանագրել են, թե ինչպես է տղամարդը հարձակվում ոստիկանի վրա։
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Տնտեսական համագործակցության և զարգացման կազմակերպությունը (OECD) հրապարակել է Թուրքիայի գնաճի կանխատեսումների վերաբերյալ զեկույց։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |