Հեղաշրջման անհաջողությունից հետո Թուրքիայում կա արդեն 6.000 ձերբակալված

Տարածաշրջան07:32, 18 Հուլիս 2016

Հեղաշրջման անհաջողությունից հետո Թուրքիայում կա արդեն 6.000 ձերբակալված

Թուրքայի արդարադատության նախարար Բեքիր Բոզդաղը պետական TRT հեռուստաալիքի եթերից անդրադարձել է իրավապահ մարմինների գործունեությանը ռազմական հեղաշրջման անհաջողությունից հետո:

Նախարարը տեղեկացրել է, որ ռազմական հեղաշրջումը նախաձեռնելու հետ կապ և մասնակցություն ունեցած անձանց որոնման և բացահայտման աշխատանքները շարունակվում են:

«Այս պահին կա ավելի քան 6.000 ձերբակալված: Նրանց նկատմամբ իրավական գործընթացը շարունակվում է»: Ի դեպ, միայն Անկարայի հանրապետական դատախազությունը «գյուլենականների հանցավոր ահաբեկչական կառույցների հետ կապեր ունենալու մեղադրանքով» 2.745 դատավորի և դատախազի ձերբակալման որոշում է կայացրել:

Բեքիր Բոզդաղը նաև ընդգծել է այն հանգամանքը, որ հանրապետական Թուրքիայի պատմության մեջ առաջին անգամ իշխանությունները կարողացան ծնկի չգալ ապստամբած զինվորականության առաջ: Առաջին անգամ խորհրդարանի պատգամավորները չծափահարեցին ապստամբներին, առաջին անգամ ժողովուրդը չհանդուրժեց ապստամբներին, իսկ թերթերն էլ առաջին անգամ չտպագրվեցին նրանց գովերգող շապիկներով:

Աղբյուր` Ermenihaber.am

Այս ենթաբաժնի վերջին նորությունները

10:50, 12 մայ

Քրդերի ռազմաքաղաքական կառույցը վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական կուսակցությունը» մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։