Ցեղասպանություն07:16, 07 Հունիս 2016
Գերմանիան դատապարտել է Բունդեսթագի պատգամավորների մասին Էրդողանի հայտարարությունները
Գերմանիան արձագանքել է Բունդեսթագի կողմից Հայոց ցեղասպանության ճանաչումից հետո Թուրքիայում բարձրացած վիրավորանքների ու սպառնալիքների ալիքին: Թուրքական «Haberler.com» լրատվակայքի տեղեկացմամբ՝ հունիսի 6-ին Գերմանիայի կառավարության մամլո խոսնակ Շթեֆեն Զայբերտը դատապարտել է գերմանացի պատգամավորների վերաբերյալ Էրդողանի հայտարարությունները:
Միջանկյալ հիշեցնենք, որ Հայոց ցեղասպանության ճանաչման բանաձևին կողմ քվեարկած թուրքական ծագմամբ 11 գերմանացի պատգամավորների մասին Էրդողանը հայտարարել էր, թե դեռ պետք է ստուգել նրանց արյունը՝ պարզելու համար՝ որքանով են նրանք իրականում թուրք: «Ակնհայտ է, թե ում խոսնակներն են նրանք: Նրաք այս երկրում գործող անջատողական, ահաբեկչական խմբավորումների ճյուղավորումներն են Գերմանիայում», -ասել էր Էրդողանը:
«Մեզ համար ոչ մի կերպ ընդունելի չէ, որ Թուրքիայից հնչող հայտարարություններում Գերմանիայի խորհրդարանի որոշ պատգամավորներ ներկայացվում են իբրև ահաբեկչական խմբավորումներին հարող անձինք»,- հայտարարել է Զայբերտը:
Իսկ դաշնային խորհրդարանի նախագահ Նորբերթ Լամերտը գրավոր հայտարարություն է տարածել՝ դատապարտելով թուրքական ծագմամբ պատգամավորների դեմ սոցիալական ցանցերում տարածված վիրավորանքներն ու մահվան սպառնալիքները:
«Եթե որևէ մեկը փորձի ճնշում գործադրել որևէ պատգամավորի վրա, պետք է իմանա, որ այդպիսով հարձակում է գործում մեր ողջ խորհրդարանի և ժողովրդավարության վրա: Նման դեպքում մենք էլ օրենքի սահմաններում անհրաժեշտ պատասխան քայլեր կձեռնարկենք», - ասված է հայտարարությունում:
Այս ենթաբաժնի վերջին նորությունները
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական լրատվամիջոցի՝ PKK-ի հիմնադիր առաջնորդ Աբդուլլահ Օջալանի հետագա դերն ու կարգավիճակը կարող են զարգանալ 3 սցենարով։
Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:
Փորձագետները զգուշացնում են, որ Թուրքիային F-35-ներով զինելու հանգամանքը կարող է խախտել ռազմական բալանսը տարածծաշրջանում։
Թուրքիայի նախագահը պատմական և օրինակելի է որակել Սիրիայի նկատմամբ պատժամիջոցների վերացման մասին Թրամփի որոշումը:
Օրակարգում են եղել երկկողմ հարաբերությունները, ռուս-ուկրաինական պատերազմը, ինչպես նաև տարածաշրջանային և համաշխարհային նշանակության հարցեր:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |