Թուրքիայի փոխվարչապետ. «Բունդեսթագի ընդունած բանաձևը առ ոչինչ է Թուրքիայի համար»

Ցեղասպանություն12:15, 02 Հունիս 2016

Թուրքիայի փոխվարչապետ. «Բունդեսթագի ընդունած բանաձևը առ ոչինչ է Թուրքիայի համար»

Թուրքիայի կառավարության խոսնակ և փոխվարչապետ Նուման Քուրթուլմուշը սոցցանցում հրապարակած գրառումներով արձագանքել է Գերմանիայի դաշնային խորհրդարանի կողմից Հայոց ցեղասպանությունը ճանաչող բանաձևի ընդունմանը: Բարձրաստիճան պաշտոնյան հայտարարել է, որ ցեղասպանության մասին որոշումն առ ոչինչ է Թուրքիայի համար:

Ըստ թուրքական «Sondakika.com» լրատվական կայքի` Քուրուլմուշը «Twitter» սոցցանցում հետևյալ գրառումն է կատարել.

«Գերմանիայի խորհրդարանի կողմից մի շարք նենգափոխված և անհիմն պնդումները որպես ցեղասպանություն որակելը պատմական սխալ է:

Գերմանիայի խորհրդարանի կողմից այս բանաձևի ընդունումը Գերմանիայի ու Թուրքիայի միջև առկա բարեկամական հարաբերություններին վայել որոշում չէ:

Թուրքիայի համար այս որոշումն առ ոչինչ է:

Այս խնդիրը ոչ թե քաղաքական գործիչների կամ խորհրդարանների, այլ գիտնականների ու պատմաբանների լուծելիք խնդիրն է:

Թուրքիան բոլոր հարթակներում անհրաժեշտ պատասխան կտա այս բանաձևին»:

Աղբյուր` Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։