Ցեղասպանություն07:33, 30 Մայիս 2016
Թուրքիայի ընդդիմության առաջնորդը Հայոց ցեղասպանության բանաձևի ընդունումը կանխելու համար նամակներ է հղել Գերմանիա
Թուրքիայի գլխավոր ընդդիմադիր «Ժողովրդահանրապետական կուսակցության» (CHP-ԺՀԿ) նախագահ Քեմալ Քըլըչդարօղլուն լրագրողների հետ հանդիպմանը հայտարարել է, որ 5 առանձին նամակ է ուղարկել Գերմանիայի քաղաքական կուսակցությունների ղեկավարներին` հորդորելով խորհրդարանի օրակարգից հանել Հայոց ցեղասպանության մասին բանաձևը:
Ընդդիմադիրը կուսակցապետը հայտարարել է նաև, որ Գարմանիա կատարելիք այցի ժամանակ ունենալիք իր հանդիպումներում գերմանացի գործընկերներին զգուշացնելու է, որ բանաձևի քննարկումն ու քվեարկությունը խնդիրներ կառաջացնի և՛ Թուրքիայում, և՛ Գերմանիայում:
Ըստ թուրքական «Turktime.com» լրատվական կայքի` Քըլըչդարօղլուն գերմանական կուսակցությունների ղեկավարներին և կանցլեր Անգելա Մերկելին ուղարկված նամակներում Հայոց ցեղասպանությունը ճանաչող բանաձևը խորհրդարանի օրակարգ բերելը սադրիչ քայլ է անվանել:
Թուրքիայի ընդդիմության առաջնորդը նամակում մտահոգություն է հայտնել, որ բանաձևի ընդունումը թուրք-գերմանական հարաբերություններում այնպիսի վնաս կհասցնի, որոնց հնարավոր չի լինի վերականգնել:
«Հույս ունենք, որ նախաձեռնությունը կվերանայվի և դուրս կբերվի օրակարգից, քանի դեռ ավելի շատ չի բորբոքել թուրք ժողովրդի զգացմունքները»,- ասված է նամակում:
Հիշեցնենք, որ Գերմանիայի դաշնային խորհրդարանը հունիսի 2-ին տեղի ունենալիք նիստում քննարկելու է Հայոց ցեղասպանության ճանաչման բանաձևը: Բանաձևի օրակարգ բերելը առաջացրել է Թուրքիայի ղեկավար և ընդդիմադիր շրջանակների զայրույթը, որոնք ամեն կերպ ձգտում են խափանել Գերմանիայի խորհրդարանի կողմից ցեղասպանության ճանաչումը:
Այս ենթաբաժնի վերջին նորությունները
Բասքըն Օրանը, մի քանի օրինակներով համեմատելով անցյալն ու ներկան, պարզ ցույց է տալիս թուրքական պետական քարոզչության ողջ սնանկությունը։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Մինչ Թուրքիայի հայերը պետք է ապրեն ժխտողական այս մթնոլորտում, աշխարհասփյուռ հայերը ստիպված են դիմանալ իրենց ընտանքի մեծերի հիշողությունների մշտական ցավին՝ հեռու իրենց նախնիներից ու հողերից։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքական մեդիայում տարածվող լուրերի համաձայն՝ իշխող ուժի և ազգայնականների առաջնորդների միջև տարաձայնություն կա։
Քուվեյթի քաղաքացիներն 1-ին տեղն են զբաղեցնում Թուրքիայում ամենաշատ անշարժ գույք գնող օտարերկրացիների շարքում։
Արտահանումն իրականացվում է Թուրքիայի կողմից Իսրայելի հետ առևտուրը կասեցնելու մասին որոշմանը ֆոնին:
Բարզանին վերջին այցը Իրան եղել է 2021թ. օգոստոսին, որի ընթացքում նա մասնակցել էր Ռաիսիի երդմնակալության արարողությանը։
Հատկանշական է, որ աշխարհահռչակ պոլսահայ լուսանկարիչ-լրագրողի արխիվներից Գումգափուի հետ կապված նկարներն առաջին անգամ են հանվում ցուցադրության:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |