Թուրքիայում կցուցադրվի Արա Գյուլերի «Գումգափուի ձկնորսները» ֆոտոշարքը (Լուսանկար)

Մշակութային10:41, 07 Մայիս 2024

Թուրքիայում կցուցադրվի Արա Գյուլերի «Գումգափուի ձկնորսները» ֆոտոշարքը (Լուսանկար)

Թուրքիայում տեղի կունենա պոլսահայ աշխարհահռչակ լուսանկարիչ-լրագրող Արա Գյուլերի հոդվածաշարն ուղկեցող նկարներից կազմված «Գումգափուի ձկնորսները» ֆոտոշարքի ցուցահանդեսը:

«Գումգափուի հայ ձկնորսների հետ միասին» hոդվածաշարը, որի հիման վրա կազմվել է ֆոտոշարքը, հրապարակվել է 1952-ի մայիսի 21-ից 27-ը՝ Ստամբուլում տպագրվող հայկական «Ժամանակ» օրաթերթում:

Գյուլերի կողմից 24 տարեկանում գրի առնված հոդվածներում նկարների ուղեկցությամբ պատմվել է ձկնորսների կացարանի, այդտեղ աշխատող մարդկանց և նրանց ապրելակերպի մասին:

Պատմության էջերում այն մնացել է որպես Գյուլերի հաջողած ֆոտոռեպորտաժներից մեկը, որն իրեն մոտ ապագայում պետք է հաջողություններ բերեր՝ միջազգային կարիերա կերտելու տեսանկյունից:

Հատկանշական է, որ աշխարհահռչակ պոլսահայ լուսանկարիչ-լրագրողի արխիվներից Գումգափուի հետ կապված նկարներն առաջին անգամ են հանվում ցուցադրության:

Ցուցահանդեսը մեկնարկելու է մայիսի 8-ին Արա Գյուլերի թանգարանում և տևելու է մինչև այս տարվա հոկտեմբերի 27-ը:

Հնարավոր է լինելու նաև գնել ցուցահանդեսի նույնանուն գիրքը՝ թանգարանում գտնվող խանութից:

Ara Güler'in arşivinden "Kumkapı Balıkçıları" ziyarete açılıyor - 1

Աղբյուր` ntv.com.tr

Այս ենթաբաժնի վերջին նորությունները

15:44, 05 օգոս

Թուրքիայում փորձել են հրկիզել Սուրբ Սոֆիա տաճարը (Տեսանյութ)

Մզկիթում այրվող գիրքն ու գորգը նկատել է մի կին և սկսել բղավել։

11:25, 01 օգոս

Մալաթիայի Սուրբ Երրորդություն հայկական եկեղեցում տեղի է ունեցել պսակադրության արարողություն

Անատոլիայի հայ համայնքների վերակացու և Հաթայի եկեղեցու հոգևորական Հայր Ավետիս Թաբաշյանը Վարդավառի տոնի (Քրիստոսի Պայծառակերպության տոն) առթիվ այցելել է Մալաթիա: